స్టాక్ మార్కెట్లు నేడు లాభాలతో ప్రారంభమయ్యాయి. అమెరికా ఫెడ్ వడ్డీ రేట్ల నిర్ణయంపై ఆందోళనలు, వాణిజ్య యుద్ధ భయాలతో మదుపరులు కాస్త అప్రమత్తంగా వ్యవహరిస్తున్నారు.
బొంబాయి స్టాక్ ఎక్స్చేంజి సూచీ-సెన్సెక్స్ 138 పాయింట్లు వృద్ధి చెందింది. ప్రస్తుతం 39,098 వద్ద ట్రేడవుతోంది. జాతీయ స్టాక్ ఎక్స్చేంజి సూచీ-నిఫ్టీ 37 పాయింట్ల లాభంతో 11,709 వద్ద ట్రేడింగ్ సాగిస్తోంది.
ఇవీ కారణాలు
నేడు జరగనున్న అమెరికా ఫెడ్ సమీక్షా సమావేశం మదుపరుల సెంటిమెంట్ను ప్రభావితం చేసింది. ఫెడ్ కీలక వడ్డీ రేట్ల నిర్ణయం రేపు వెలువడనుంది. వీటితో పాటు భారత్-అమెరికా వాణిజ్య యుద్ధ భయాలు మార్కెట్లపై ప్రతికూల ప్రభావం చూపించే అవకాశం ఉందని నిపుణులు అంటున్నారు.
లాభనష్టాల్లోనివివే..
ఇన్ఫోసిస్, పవర్ గ్రిడ్, ఇండస్ఇండ్ బ్యాంకు, హెచ్సీఎల్ టెక్, వేదాంత, ఎం&ఎం, హెచ్డీఎఫ్సీ, ఐసీఐసీఐ బ్యాంకు, ఎన్టీపీసీ, బజాజ్ ఫినాన్స్ షేర్లు లాభాల్లో కొనసాగుతున్నాయి.
ఎస్ బ్యాంకు, టాటా స్టీల్, ఏషియన్ పెయింట్స్, హెచ్యూఎల్, ఎస్బీఐ, రిలయన్స్, మారుతి షేర్లు నష్టాల్లో ఉన్నాయి.
రూపాయి, ముడి చమురు
నేటి ట్రేడింగ్ ప్రారంభంలో రూపాయి 9 పైసలు వృద్ధి చెందింది. డాలర్తో పోలిస్తే మారకం విలువ 60.88 వద్ద ట్రేడవుతోంది.
ముడి చమురు ధరల సూచీ-బ్రెంట్ 0.10 శాతం తగ్గింది. అంతర్జాతీయ మార్కెట్లో బ్యారెల్ ముడి చమురు 60.88 డాలర్లుగా ఉంది.
ఇదీ చూడండి: జెట్ను ఎన్సీఎల్టీకి అప్పగించాలని ఎస్బీఐ నిర్ణయం
