రిలయన్స్ ఇండస్ట్రీస్ డిజిటల్ ప్లాట్ఫాం జియోలో ప్రైవేటు ఈక్విటీ సంస్థ సిల్వర్ లేక్ తన పెట్టుబడిని మరింత పెంచింది. ఇదివరకే జియోలో 1.15శాతం వాటా కైవసం చేసుకున్న సిల్వర్ లేక్.. తాజాగా రూ. 4,546.80 కోట్ల పెట్టుబడిని పెట్టింది.
ఫలితంగా జియోలో సిల్వర్ లేక్ మొత్తం పెట్టుబడి రూ. 10,205.55 కోట్లకు చేరగా.. వాటా 2.08శాతానికి పెరిగింది.
"అందుబాటు ధరలో నాణ్యమైన సేవలను పెద్ద ఎత్తున వినియోగదారులకు అందించే విధంగా జియో ప్లాట్ఫాంకు మద్దతు ఇస్తున్నందుకు చాలా సంతోషంగా ఉంది."
-ఎగోన్ డర్బన్, సిల్వర్ లేక్ కో-సీఈఓ
కేవలం ఆరు వారాల వ్యవధిలోనే వివిధ సంస్థల నుంచి రూ. 92,202.15 కోట్ల పెట్టుబడులను ఆకర్షించింది జియో. సామాజిక మాధ్యమ దిగ్గజం ఫేస్బుక్ సహా విస్తా ఈక్విటీ పార్ట్నర్స్, జనరల్ అట్లాంటిక్, కేకేఆర్, ముబడాల సంస్థలు జియోలో పెట్టుబడులు పెట్టాయి.
ఇదీ చదవండి: జియోలో మరో రూ.9,093 కోట్ల విదేశీ పెట్టుబడి
