అతిపెద్ద దేశీయ బ్యాంక్.. ఎస్బీఐ 2020-21 రెండో త్రైమాసిక ఏకీకృత నికర లాభం 55 శాతం పెరిగింది. మొత్తం రూ.5,245.88 కోట్లు గడించినట్లు బుధవారం ప్రకటించింది.
క్రితం ఆర్థిక సంవత్సరం ఇదే సమయంలో బ్యాంక్ నికర లాభం రూ.3,375.40 కోట్లుగా ఉంది.
ప్రస్తుత ఆర్థిక సంవత్సరం క్యూ2లో మొత్తం ఆదాయం కూడా రూ.95,373.50 కోట్లకు పెరిగినట్లు తెలిపింది ఎస్బీఐ. 2019-20 ఇదే సయమయంలో బ్యాంక్ ఆదాయం రూ.89,347.91 కోట్లుగా నమోదైంది.
ఈ ఏడాది సెప్టెంబర్తో ముగిసిన త్రైమాసికానికి స్థూల నిరర్ధక ఆస్తులు గత ఏడాది ఇదే సమయంతో పోలిస్తే.. 7.19 శాతం నుంచి 5.28 శాతానికి తగ్గినట్లు ఎస్బీఐ వివరించింది. ఇదే కాలానికి నికర నిరర్ధక ఆస్తులు కూడా 2.79 శాతం నుంచి 1.59 శాతానికి చేరినట్లు పేర్కొంది.
ఒంటరి ప్రాతిపదికన బ్యాంక్ నికర లాభం 2020-21 క్యూ2లో 52 శాతం పెరిగి రూ.3,011.73 కోట్ల నుంచి రూ.4,574,16 కోట్లకు చేరింది. ఆదాయం రూ.72,850.78 కోట్ల నుంచి రూ.75,341.80 కోట్లకు పెరిగింది.
ఇదీ చూడండి:అప్పులే శరణ్యంగా సగం కుటుంబాల జీవనం!
