మీరు ఎస్బీఐ ఖాతాదారులా? అయితే, బ్యాంకు మీకు ఓ ముఖ్య గమనిక జారీ చేసింది. కస్టమర్లకు మరింత నాణ్యమైన సేవలు అందించేందుకు ఆన్‌లైన్‌ సేవలకు సంబంధించి పలు సాంకేతిక మార్పులు చేస్తున్నట్లు వెల్లడించింది. ఈ నేపథ్యంలో జులై 16 అర్ధరాత్రి సమయంలో రెండున్నర గంటల పాటు సేవలు నిలిచిపోతాయని తెలిపింది. ఆ సమయంలో ప్రజలు అప్రమత్తంగా ఉండాలని.. ఎటువంటి మెసేజ్‌లు, అలర్ట్‌లపై క్లిక్‌ చేయొద్దని నిపుణులు హెచ్చరిస్తున్నారు. అలాగే ఆ సమయంలో హ్యాకర్లు మోసాలకు పాల్పడే అవకాశం ఉందని తెలిపారు. కస్టమర్లంతా జాగ్రత్తగా ఉండాలని సూచించారు.
ఏ సమయంలో? ఏయే సేవలు?
జులై 16 రాత్రి 10:45 గంటల నుంచి జులై 17 వేకువజామున 1:15 గంటల వరకు సేవలు నిలిచిపోనున్నాయి. మొత్తం రెండున్నర గంటల పాటు సేవలు ఆగిపోనున్నాయి.
ఇంటర్నెట్‌ బ్యాంకింగ్, యోనో, యోనోలైట్‌, యూపీఐ సేవలకు అంతరాయం కలగనుంది.
ఇదీ చదవండి:భారత్లో 20 లక్షల ఖాతాలపై వాట్సప్ నిషేధం
