ఎస్బీఐ కార్డ్స్ అండ్ పేమెంట్ సర్వీసెస్ షేర్లు ఐపీఓకు వచ్చిన తొలిరోజే నష్టాల బాట పట్టాయి. ఐపీఓ ధర రూ.755కు గాను 13 శాతం క్షీణించింది.
బీఎస్ఈలో షేరు ధర రూ.658 లిస్ట్ చేయగా.. ఇష్యూ ధర నుంచి 12.84 శాతం పడిపోయాయి. ఎన్‌ఎస్‌ఈలో రూ.661తో ప్రారంభమై 12.45 శాతం క్షీణించాయి.
బీఎస్ఈలో కంపెనీ మార్కెట్ విలువ రూ .69,811.44 కోట్లుగా ఉంది. మార్కెట్ సెంటిమెంట్‌ బలహీనంగా ఉండటమే కంపెనీ షేర్ల నష్టాలకు కారణం.
ఈ ఐపీఓ ద్వారా దాదాపు రూ.10,000 కోట్లకు పైగా సమీకరించాలని సంస్థ లక్ష్యంగా పెట్టుకుంది. ఇప్పటి వరకు ఎస్బీఐ కార్డ్ అండ్ పేమెంట్ సర్వీసెస్... స్టేట్ బ్యాంక్ ఆఫ్ ఇండియాకు అనుబంధ సంస్థగా పనిచేసింది.
బీఎస్‌ఈ సెన్సెక్స్ 2,000 పాయింట్లకు పైగా నష్టంతో ట్రేడ్ అవుతోంది. మార్కెట్ ఆరంభంలో బీఎస్ఈలో 17.65 లక్షల షేర్లు, ఎన్‌ఎస్‌ఈలో 2.6 కోట్ల షేర్లు ట్రేడయ్యాయి.
- ఇదీ చూడండి:ఎస్ బ్యాంక్ కేసులో అంబానీకి ఈడీ సమన్లు
