స్మార్ట్వాచ్.. ప్రస్తుతం ట్రెండీ గ్యాడ్జెట్స్లో ఇదొకటి. మొబైల్ నోటిఫికేషన్ల నుంచి ఆరోగ్య సంరక్షణ వరకు అన్ని రకాల సమాచారాన్ని యూజర్‌కు చేరవేస్తుండటం వల్ల సంప్రదాయ వాచ్‌ల స్థానంలో వీటిని ఉపయోగించేవారి సంఖ్య క్రమంగా పెరుగుతోంది. తక్కువ ధరలో ఎక్కువ ఫీచర్లు ఉన్న వాచ్లపై వినియోగదారులు ఆసక్తి కనబరుస్తున్నారు. ఈ నేపథ్యంలో స్వాతంత్ర్య దినోత్సవం పురస్కరించుకుని సామ్సంగ్ తన వినియోగదారులకు గుడ్ న్యూస్ చెప్పింది. తమ కంపెనీ తయారు చేసిన పలు ప్రొడక్ట్స్ను భారీ డిస్కౌంట్తో విక్రయిస్తున్నట్లు ప్రకటించింది. ఇందులో భాగంగా స్మార్ట్వాచ్ల ధరలను భారీగా తగ్గించింది. ఓ సారి వాటిపై లుక్కేద్దాం..
సామ్సంగ్ గెలాక్సీ వాచ్ యాక్టివ్ 2(స్టీల్)
ఈ మోడల్ రూ.5 వేల డిస్కౌంట్తో రూ.28,490కే పొందే వీలుంది. వైఫై, బ్ల్యూటూత్ తదితర ఫీచర్లు ఉన్నాయి.
- 1.4 అంగుళాల పొడవు డిస్ప్లే
- 1.05 జీహెజ్జెడ్ ప్రొసెసర్
- బారోమీటర్
- గోరో సెన్సర్
- లైట్ సెన్సర్
- ఆప్టికల్ హార్ట్ రేట్ సెన్సర్
- ఎన్ఎఫ్సీ కనెక్టివిటీ విత్ యాక్సిలిరోమీటర్
సామ్సంగ్ గెలాక్సీ వాచ్(46ఎంఎం, 4జీ)
ఈ మోడల్ను రూ.18,990లకు పొందొచ్చని సామ్సంగ్ తెలిపింది. దీని అసలు ధర రూ.34,990గా ఉంది.
- హార్ట్ రేటింగ్, స్లీప్ మానిటరింగ్
- ఎల్టీఈ కనెక్టివిటీ
- కాల్స్, మెసేజ్ నోటిఫికేషన్స్
- వైర్లెస్ ఈయర్ బడ్స్ను కంట్రోల్ కూడా చేయొచ్చు.
సామ్సంగ్ గెలాక్సీ వాచ్ 3 ఎల్టీఈ(41ఎంఎం, 4జీ)
ఈ స్మార్ట్వాచ్పై పెద్దగా డిస్కౌంట్ ఏమీ లేదు. రూ.500 మాత్రమే తగ్గించి రూ.34,490కు విక్రయిస్తోంది. ఇది 4జీ మోడల్. దీని ఫీచర్స్ ఏంటంటే..
- 1.2 అంగుళాల డిస్ప్లే
- 1.15జీహెచ్జెడ్ ప్రొసెసర్
- ఐపీ68 రేటింగ్
- బుల్ట్ ఇన్ జీపీఎస్,
- ఫాల్ డిటెక్షన్,
- వర్కౌట్ ట్రాకింగ్,
- రక్తంలోని ఆక్సిజన్ శాతాన్ని పర్యవేక్షించడం
- యాక్సిలిరోమీటర్, బారోమీటర్, గైరో సెన్సార్, లైట్ సెన్సార్, ఆప్టికల్ హార్ట్ రేట్ సెన్సార్
సామ్సంగ్ గెలాక్సీ ఫిట్ 2
ఈ మోడల్ ఎంతో బెస్ట్ అని చెపొచ్చు. 1.1 అంగుళాల పొడవు డిస్ప్లే ఉండే ఈ ఫిట్ ట్రాకర్ బరువు 21గ్రాములే. దీనిని రూ.వెయ్యి డిస్కౌంట్తో రూ.3,999కే అందిస్తోంది. వాటర్, స్వెట్ రెసిస్టెంట్ దీని ప్రత్యేకత. తరచుగా చేతులు కడుక్కోమని గుర్తు చేస్తుంది కూడా. 15రోజుల పాటు బ్యాటరీ నడుస్తుంది. హార్ట్ రేట్, స్ట్రెస్ ట్రాకింగ్ వంటి ఫీచర్లు కూడా ఉంటాయి.
ఇదీ చూడండి: 'సామ్సంగ్' సరికొత్త మడత ఫోన్లు
