హువావేకు 4జీ చిప్​ల విక్రయానికి క్వాల్కమ్​కు అనుమతులు

చైనాకు చెందిన హువావేకు 4జీ చిప్​సెట్లు విక్రయించేందుకు క్వాల్కామ్​కు అనుమతులు లభించాయి. ఈ విషయాన్ని ఆ సంస్థ ప్రతినిధి అధికారికంగా వెల్లడించారు. అయితే ఇంకా పలు సాంకేతికతల విక్రయాల విషయంలో అనుమతులు లభించాల్సి ఉందని తెలిపారు.

చైనా టెలికాం దిగ్గజం హువావేకు 4జీ మొబైల్ చిప్​సెట్లు విక్రయించేందుకు క్వాల్కమ్​కు అమెరికా ప్రభుత్వం నుంచి లైసెన్స్ లభించింది.

4జీ చిప్​సెట్లు సహా కొన్ని ఇతర సాంకేతికతల విక్రయానికి అనుమతి లభించినట్లు క్వాల్కమ్ అధికార ప్రతినిధి తెలిపారు. అయితే అవేమిటి అనే విషయాన్ని మాత్రం చెప్పలేదు. ఇంకా చాలా ఉత్పత్తుల విక్రయాల విషయంలో అమెరికా ప్రభుత్వం వద్ద దరఖాస్తులు పెండింగ్​లో ఉన్నట్లు వివరించారు.

వాణిజ్య విబేధాల కారణంగా.. క్వాల్కమ్​ సహా తమ దేశానికి చెందిన ఇతర సెమీ కండక్టర్​ కంపెనీలు.. చైనా టెక్ కంపెనీలకు సాకేతికతలను విక్రయించడాన్ని సెప్టెంబర్​లో నిలిపివేసింది అమెరికా.

ఇదీ చూడండి:కరోనా తర్వాత ఇంధన గిరాకీలో వార్షిక వృద్ధి