ఫేస్బుక్ క్రిప్టోకరెన్సీ 'లిబ్రా' నుంచి వైదొలుగుతున్నట్లు డిజిటల్ పేమెంట్ దిగ్గజం పేపాల్ ప్రకటించింది. లిబ్రాకు నియంత్రణ సంస్థల నుంచి ఎదురవుతున్న ఇబ్బందుల నేపథ్యంలో పేపాల్ ఈ నిర్ణయం తీసుకుంది.
"లిబ్రా సంస్థతో ఉన్న ఒప్పందాన్ని ప్రస్తుతం రద్దుచేసుకుంటున్నాం. భవిష్యత్తులో కలిసి పని చేసే అంశంపై చర్చలు కొనసాగుతున్నాయి." -పేపాల్ ప్రకటన
'లిబ్రా'కు ఆది నుంచి ఎదురుదెబ్బలే...
బిట్కాయిన్ తరహాలో.. సొంత క్రిప్టోకరెన్సీ 'లిబ్రా'ను తీసుకురానున్నట్లు ఫేస్బుక్ ఈ ఏడాది జూన్లో ప్రకటించింది. వచ్చే ఏడాది నుంచి లిబ్రాను వినియోగంలోకి తీసుకురానున్నట్లు వెల్లడించింది. ఇప్పటికే మనుగడలో ఉన్న బిట్కాయిన్ సహా ఇతర క్రిప్టోకరెన్సీల హవా తగ్గించేందుకు 'లిబ్రా'ను తేనున్నట్లు తెలిపింది.
ఫేస్బుక్ చేసిన ఈ ప్రకటన తర్వాత.. పలు దేశాల రిజర్వు బ్యాంకులు, నియంత్రణ సంస్థలు లిబ్రాపై అనుమానాలు వ్యక్తం చేశాయి. లిబ్రాను ఎలా నియంత్రిస్తారనే అంశం మీద ఫేస్బుక్పై ప్రశ్నల వర్షం కురిపించాయి. ఈ నేపథ్యంలో ఆది నుంచే ఫేస్బుక్ క్రిప్టో కరెన్సీ వివాదాల్లో చిక్కుకుంది.
ఇదీ చూడండి: దటీజ్ మారుతి... సంక్షోభంలోనూ సూపర్ హిట్!
