పతంజలి ఆయుర్వేద్ రూ.250 కోట్ల సమీకరణకు చేపట్టిన బాండ్ల ఇష్యూకు విశేష స్పందన లభించింది. గురువారం ఇష్యూ ప్రారంభమవగా.. కేవలం మూడు నిమిషాల్లోనే పూర్తిగా సబ్స్క్రైబ్ అయ్యింది. ఇష్యూకు వచ్చిన భారీ స్పందనపై పతంజలి ఆయుర్వేద్ హర్షం వ్యక్తం చేసింది.
"మా తొలి రూ.250 కోట్ల ఎన్సీడీ ఇష్యూకు 3 నిమిషాల్లోనే 100 శాతం స్పందన రావడం చరిత్రాత్మకం. మాపై మదుపర్లకు ఉన్న నమ్మకానికి, ఆసక్తికి ఇదే నిదర్శనం. భారత్లో అత్యంత విశ్వసనీయ బ్రాండ్గా ఈ ఇష్యూ నిలిపింది"
- ఆచార్య బాలకృష్ణ, పతంజలి ఆయుర్వేద్ మేనేజింగ్ డైరెక్టర్
ఈ ఎన్సీడీలకు కాలపరిమితి మూడేళ్లుగా ఉండగా.. కూపన్ రేటు 10.10 శాతం. ఈ బాండ్లకు 2023 మే 28తో గడువు ముగుస్తుంది. ఇవి ఎక్సేంజీలోనూ నమోదవుతాయి.
ఇదీ చూడండి:'జియో'లో మరో కంపెనీ పెట్టుబడి పెట్టనుందా?
