సైరస్ మిస్త్రీ కేసులో రిజిస్ట్రీ ఆఫ్ కంపెనీస్(ఆర్ఓసీ) దాఖలు చేసిన పిటిషన్ను జాతీయ కంపెనీ లా అప్పిలేట్ ట్రైబ్యునల్(ఎన్సీఎల్ఏటీ) కొట్టివేసింది. జస్టిస్ ఎస్.జె.ముఖ్తోపాధ్యాయ ఛైర్మన్గా ఇద్దరు సభ్యులతో కూడిన ధర్మాసనం.. డిసెంబర్ 18 తీర్పును మార్చేందుకు తగిన కారణాలు లేవని తెలిపింది.
టాటా సన్స్ కార్యనిర్వహక అధ్యక్షుడిగా సైరస్ మిస్త్రీని పునర్నియమించాలని ఎన్సీఎల్ఏటీ.. 2019 డిసెంబర్ 18న తీర్పునిచ్చింది. మిస్త్రీ నియామకం నాలుగు వారాల తర్వాత అమల్లోకి వస్తుందని.. ఈ లోపు టాటా సన్స్ అప్పీలుకు దాఖలు చేసుకోవచ్చని తెలిపింది. ఈ మేరకు తీర్పును మార్పు చేయాలంటూ ఆర్ఓసీ వ్యాజ్యం దాఖలు చేసింది.
సుప్రీం కోర్టుకు టాటా
గతేడాది డిసెంబర్ 18న ట్రైబ్యునల్ నిర్ణయంపై అసంతృప్తి వ్యక్తం చేసిన రతన్ టాటా.. కేసు రికార్డులకు అనుగుణంగా తీర్పు లేదని పేర్కొన్నారు. ఈ నేపథ్యంలో సుప్రీం కోర్టును ఆశ్రయించారు టాటా. రతన్తో పాటు టాటా సన్స్, టాటా కన్సల్టెన్సీ సర్వీసెస్(టీసీఎస్) కూడా సుప్రీంలో వేర్వేరుగా వ్యాజ్యాలను దాఖలు చేశాయి.
