జెట్ ఎయిర్వేస్ వ్యవస్థాపకుడు నరేశ్ గోయల్కు కేంద్ర హోం శాఖ షాకిచ్చింది. దేశాన్ని వీడేందుకు అనుమతి నిరాకరిస్తూ లుక్అవుట్ నోటీసులు జారీ చేసింది. తన భార్య అనితా గోయల్తో కలిసి లండన్ వెళుతుండగా ముంబయి విమానాశ్రయంలో ఇమిగ్రేషన్ అధికారులు వారిని అడ్డుకున్నారు.
ఎమిరేట్స్ ఎయిర్వేస్ ఈకే 507 విమానంలో దుబాయ్ మీదుగా లండన్ వెళ్లేందుకు విమానాశ్రయానికి చేరుకున్నారు గోయల్ దంపతులు. అదే సమయంలో దేశాన్ని వీడి వెళ్లేందుకు హోంశాఖ అనుమతిని నిరాకరిస్తూ నిర్ణయం తీసుకుంది. ఫలితంగా రన్వే పైకి వెళ్లిన విమానాన్ని తిరిగి వెనక్కి రప్పించారు ఇమిగ్రేషన్ అధికారులు.
తీవ్ర సంక్షోభంలో కూరుకుపోయిన జెట్ ఎయిర్వేస్ ఇటీవల తన సేవలను నిలిపివేసింది. నెలల తరబడి ఉద్యోగులకు జీతాలు చెల్లించలేదు. ఈ కారణంగా గోయల్తో పాటు సంస్థ డైరెక్టర్ల పాస్పోర్టులను స్వాధీనం చేసుకోవాలని ముంబయి పోలీస్ కమిషనర్కు జెట్ ఉద్యోగుల సంఘం అధ్యక్షుడు కిరణ్ పవాస్కర్ ఏప్రిల్లో లేఖ రాశారు.
ఇమిగ్రేషన్ విభాగం కేంద్ర హోంశాఖ పరిధిలోకి వస్తుంది. లుక్అవుట్ జారీ అయిన వ్యక్తులు దేశాన్ని విడిచి వెళ్లేందుకు వీలుండదు.
ఇదీ చూడండి: 'జెట్ను నిలబెట్టి మమ్మల్ని కాపాడండి'
