టాటా మోటార్స్కు చెందిన లగ్జరీ కార్ల విభాగం జాగ్వార్ ల్యాండ్ రోవర్ (జేఎల్ఆర్) భారత మార్కెట్పై ప్రత్యేక దృష్టి సారించినట్లు తెలుస్తోంది. 2021-22లో మొత్తం పది మోడళ్లు విడుదల చేయనున్నట్లు సంస్థ ప్రకటించడమే ఇందుకు నిదర్శనం. ఇందులో కొత్త తరం కార్లు సహా ఇప్పటికే మార్కెట్లో ఉన్న మోడళ్లకు అప్డేట్ వెర్షన్లు కూడా ఉండనున్నాయి.
జేఎల్ఆర్ గత నెలలోనే.. ఎలక్ట్రిక్‌ ఎస్‌యూవీ జాగ్వార్ ఐ-పేస్‌ను విడుదల చేసింది. దీని ప్రారంభ ధరను రూ.1.05 కోట్లు (ఎక్స్‌-షోరూం)గా నిర్ణయించింది.
మరింత అధునాతన సాంకేతికతతో కూడిన స్టైలిష్ మోడళ్లతో భారత్లో మార్కెట్ను పెంచుకోనున్నట్లు జేఎల్ఆర్ ఇండియా అధ్యక్షుడు, ఎండీ రోహిత్ సూరీ తెలిపారు. దేశ ఆర్థిక వ్యవస్థ క్రమంగా రికవరీ సాధిస్తుండటం కూడా లగ్జరీ కార్ల మార్కెట్కు కలిసొచ్చే అంశమని పేర్కొన్నారు..
విద్యుత్ కార్లకే ప్రాధాన్యం!
2039 నాటికి కంపెనీని నుంచి పూర్తిగా విద్యుత్ వాహనాల సంస్థగా మార్చనున్నట్లు జేఎల్ఆర్ ఈ ఏడాది ఫిబ్రవరిలో వెల్లడించింది. 2025 నుంచి జాగ్వార్ నుంచి అన్ని విద్యుత్ కార్లనే తీసుకురానున్నట్లు కూడా తెలిపింది. ఈ నేపథ్యంలో త్వరలో విడుదలయ్యే కార్లలో ఎక్కువగా.. విద్యుత్ మోడళ్లు ఉండే అవకాశం ఉందని ఆటోమొబైల్ వర్గాలు అంచనా వేస్తున్నాయి.
ఇదీ చదవండి:మొబైల్ వ్యాపారానికి ఎల్జీ గుడ్బై
