రిలయన్స్ ఇండస్ట్రీస్ 42వ వార్షిక సర్వసభ్య సమావేశంలో జియో ఫైబర్పై ఎన్నో సంచలన ప్రకటనలు చేశారు సంస్థ అధినేత ముకేశ్ అంబానీ. ఫైబర్ కనెక్షన్ నెలవారీ ప్లాన్లు రూ.700 నుంచి 10 వేల వరకు ఉంటాయని వెల్లడించారు. ఈ ధరల్లో ఇంటర్నెట్ కనీస వేగం 100 ఎంబీపీఎస్, గరిష్ఠ వేగం 1 జీబీపీఎస్ అని తెలిపారు.
వెల్కమ్ ఆఫర్...
జియో 4జీ నెట్వర్క్ అందుబాటులోకి వచ్చినప్పుడు అద్భుత ఆఫర్లు ఇచ్చింది రిలయన్స్. గిగా ఫైబర్ విషయంలో అంతకన్నా పెద్ద ప్రకటన చేసింది.
జియో ఫర్ ఎవర్ పేరిట వార్షిక ప్లాన్లు సబ్స్కైబ్ చేసుకునే వారికి ఉచితంగా హెచ్డీ 4కే టీవీ, 4కే సెట్ టాప్ బాక్స్ అందిస్తామని ప్రకటించింది. అయితే... జియో ఫర్ ఎవర్ ప్లాన్ ఎన్ని నెలలకు వర్తిస్తుంది, ఎంత చెల్లించాలి అనే అంశాలను గిగా ఫైబర్ సేవలు ప్రారంభమయ్యే సెప్టెంబర్ 5న ప్రకటిస్తామని తెలిపింది రిలయన్స్.
వార్షిక చందా విలువ బట్టి టీవీ స్పెసిఫికేషన్స్ ఉండే అవకాశం ఉంది.
ఒక్క ప్లాన్తో అన్నీ..
జియో గిగా ఫైబర్ ద్వారా ఇంటర్నెట్తో పాటు వీడియో కాలింగ్, వీడియో కాన్ఫరెన్స్ సదుపాయాలు ఉచితంగా అందించనుంది రిలయన్స్. అమెరికా, కెనడాకు అపరిమితంగా ఉచిత కాల్స్ చేసేందుకు నెలకు రూ.500తో సరికొత్త ప్లాన్ తీసుకురానుంది.
ఫస్ట్ డే-ఫస్ట్ షో
జియో గిగా ఫైబర్ ద్వారా ప్రీమియం ఓటీటీ యాప్(నెట్ఫ్లిక్స్, హాట్స్టార్ వంటివి)లను ఉచితంగా అందిస్తామని ప్రకటించింది రిలయన్స్.
సినిమా విడుదలైన రోజే ఇంట్లోనే కూర్చుని చూసేలా "ఫస్ట్ డే-ఫస్ట్ షో" సదుపాయం కల్పిస్తామని వెల్లడించింది. ఈ ఫీచర్... 2020 ద్వితీయార్థంలో ప్రీమియం వినియోగదారులకు అందుబాటులోకి వస్తుందని తెలిపింది.
ఇదీ చూడండి: అదిరే ఫీచర్లు, సూపర్ ఆఫర్లతో 'జియో గిగా ఫైబర్'
