టెలికాం దిగ్గజం రిలయన్స్ జియో టారిఫ్లలో మార్పులు చేసింది. వినియోగదారులకు తక్కువ ధరకే ఎక్కువ డేటా, ఎక్కువ రోజులు వ్యాలిడిటీ లభించేలా కొత్త ప్లాన్లను ఆవిష్కరించింది. ప్రత్యర్థి సంస్థలతో పోలిస్తే వార్షిక ప్లాన్ను 33 శాతం చౌకగా చేసింది.
ప్రస్తుతం రూ.2,121 ప్లాన్తో 336 రోజుల పాటు అపరిమిత కాల్స్, ఎస్ఎంఎస్లు, రోజుకు 1.5 జీబీ డేటా లభిస్తోంది. ఈ ప్లాన్ను తాజాగా రూ.2,399తో.. 365 రోజుల పాటు రోజుకు 2 జీబీ డేటా, అపరిమిత కాల్స్, ఎస్ఎంఎస్లు అందించేలా మార్చింది.
'వర్క్ ఫ్రం హోమ్' ప్లాన్లో.. రూ.151 (30 జీబీ), రూ.201 (40 జీబీ), రూ.251 (50 జీబీ) టాప్ ఆప్ ప్లాన్లను విడుదల చేసింది. రోజువారీ డేటా లిమిట్ ముగిసిన తర్వాత అదనపు యూసేజీకి ఈ ప్లాన్లు ఉపయోగపడతాయి.
