దేశీయ టెలికాం దిగ్గజం రిలయన్స్ జియో సంచలనాలు సృష్టిస్తోంది. అత్యధిక వినియోగదారులతో దేశంలోనే తొలిస్థానంలోఉన్న జియా.. తాజాగా మరో ఘనత సాధించింది. భారత్లో 40 కోట్ల వినియోగదారులను సొంత చేసుకున్న తొలి టెలికాం సంస్థగా అవతరించింది. టెలికాం నియంత్రణ సంస్థ తాజా నివేదిక ప్రకారం జులైలో 35 లక్షలకుపైగా కొత్త కస్టమర్లు చేరటం వల్ల ఈ మార్క్ను అందుకుంది జియో.
భారత మొబైల్ మార్కెట్లో 35.03 శాతంతో 40,08,03,819 మంది వినియోగదారులతో దూసుకెళుతోంది జియో. భారతీ ఎయిర్టెల్కు జులైలో 32.6 లక్షలు, బీఎస్ఎన్ఎల్కు 3.88 లక్షల మంది కొత్త వినియోగదారులు పెరిగారు. మరోవైపు వొడాఫోన్ ఐడియా.. 37 లక్షల మంది కస్టమర్లను కోల్పోయింది.
మొత్తం టెలికాం సబ్స్క్రైబర్స్ జులైలో 116.4 కోట్లకు చేరుకున్నారు. చరవాణి కనెక్షన్స్ పరంగా దేశంలో వినియోగదారుల సంఖ్య జులైలో 114.4 కోట్లకు చేరింది. అది జులైలో 114 కోట్లుగా ఉంది. అందులో పట్టణాల్లో(61.9) గ్రామీణ ప్రాంతాల్లో 52.1 కోట్ల మంది వినియోగదారులు ఉన్నట్లు ట్రాయ్.. నెలవారి సబ్స్క్రైబర్స్ నివేదిక వెల్లడించింది.
కొన్ని సంవత్సరాల తర్వాత ఫిక్స్డ్-లైన్ కనెక్షన్లు స్వల్పంగా పెరిగి 1,98,20,419కి చేరాయి. జియో నేతృత్వంలోని ప్రైవేటు టెలికాం సంస్థలు ముందంజలో ఉన్నాయి. ఇందులో ప్రభుత్వ రంగ సంస్థలైన బీఎస్ఎన్ఎల్, ఎంటీఎన్ఎల్, రిలయన్స్ కమ్యూనికేషన్స్, టాటా టెలీసర్వీసెస్లలో క్షీణత కనిపిస్తోంది.
బ్రాడ్బాండ్ కనెక్షన్లు..
బ్రాడ్బాండ్ కనెక్షన్లు జులైలో స్వల్పంగా వృద్ధి నమోదు చేశాయి. జూన్లో 69.82 కోట్లుగా ఉండగా.. అది జులైలో 1.03 శాతం పెరిగి 70.54 కోట్లకు చేరింది. ఇందులో జియోకు 40.19 కోట్లు, భారతీ ఎయిర్టెల్కు 15.57 కోట్లు, వొడాఫోన్ ఐడియాకు 11.52 కోట్లు, బీఎస్ఎన్ఎల్కు 2.3 కోట్లు బ్రాడ్బాండ్ వినియోగదారులు ఉన్నారు.
ఇదీ చూడండి: ప్రత్యర్థుల పోస్ట్ పెయిడ్ కస్టమర్లకు జియో వల!
