భారత్కు చెందిన పేమెంట్స్ యాప్ మొబిక్విక్ను ప్లేస్టోర్ నుంచి తొలగించింది గూగుల్. ఆరోగ్యసేతుకు సంబంధించిన ప్రకటనలు మొబిక్విక్‌లో కనిపించడమే గూగుల్ నిర్ణయానికి కారణం. అయితే ఆ లింక్‌ను తొలగించమని గూగుల్ గతంలోనే ఆ యాప్‌కు సూచించింది. కానీ, గురువారం ఎలాంటి ముందస్తు హెచ్చరిక లేకుండా సదరు యాప్‌ను ప్లేస్టోర్ నుంచి తొలగించింది. అనంతరం గూగుల్, మొబిక్విక్ బృందాలు ఈ అంశంపై మాట్లాడి పరిష్కరించుకున్నాయి. ఆ తరవాత ఆ యాప్ ప్లేస్టోర్‌లో ప్రత్యక్షమైంది.
కారణమిదే..
కొవిడ్ 19 గురించి ఎప్పటికప్పుడు ప్రజలకు సమాచారం అందించే ఉద్దేశంతో తీసుకువచ్చిన కాంటాక్ట్ ట్రేసింగ్ యాప్ ఆరోగ్య సేతుకు సంబంధించిన ప్రకటనలను మొబిక్విక్‌తో సహా ఇతర యాప్‌లలో చూపించాలని ఆర్‌బీఐ కోరింది. ఇదే విషయాన్ని ఆ యాప్ సీఈఓ బిపిన్ ప్రీత్ సింగ్ గూగుల్‌కు వెల్లడించారు. ఈ సమస్యను లేవనెత్తుతూ గూగుల్, కాంపిటిషన్ కమిషన్ ఆఫ్ ఇండియా, నీతి ఆయోగ్ సీఈఓ, పీఎంఓ, కేంద్రమంత్రి రవిశంకర్ ప్రసాద్‌ను ట్విటర్‌లో ట్యాగ్ చేశారు. మొబిక్విక్‌తో పాటు పేటీఎం, స్విగ్గీ, వంటి ఇతర యాప్‌లు కూడా ఆరోగ్య సేతుకు సంబంధించిన ప్రకటనలను చూపిస్తున్నాయి. అయితే ఆరోగ్య సేతుకు సంబంధించిన లింక్‌ను తొలగించిన తరవాతే మొబిక్విక్ ప్లేస్టోర్‌లో కనిపించింది.
ఇదీ చూడండి:గూగుల్ జోష్తో వొడాఫోన్ ఐడియా దూకుడు!
