'నెస్ట్ హబ్ మ్యాక్స్' వినియోగదారులకు సరికొత్త ఫీచర్ను విడుదల చేసింది దిగ్గజ సాఫ్ట్వేర్ సంస్థ గూగుల్. గూగుల్ మీట్, డ్యుయో ద్వారా ఒకేసారి ఎక్కువ మందితో గ్రూప్ కాల్ చేసుకునే సౌలభ్యం కల్పించింది. అయితే ఈ ఫీచర్ ప్రస్తుతానికి అమెరికాలోనే అందుబాటులోకి తెచ్చింది.
గూగుల్ మీట్ ద్వారా గరిష్ఠంగా వంద మంది, డ్యుయో ద్వారా 32 మంది మాట్లాడుకోవచ్చు. ఇదంతా కేవలం గూగుల్ అసిస్టెంట్ ఒక వాయిస్ కమాండ్తో చేయవచ్చని తెలిపింది సంస్థ.
ఈ డివైజ్ల్లోనూ..
నెస్ట్ వినియోగదారులతోపాటు ఎల్జీ ఎక్స్బూమ్ స్మార్ట్ డిస్ప్లే, జేబీఎల్ లింక్ వ్యూ, లెనొనో 8, 10 అంగుళాల తెరలపై ఈ ఫీచర్ అందుబాటులోకి తెచ్చినట్లు గూగుల్ తెలిపింది.
అంతేకాకుండా మీట్ గ్రూప్ వీడియో కాలింగ్ మొదటిగా నెస్ట్ హబ్ మ్యాక్స్లోనే ప్రారంభిస్తున్నట్లు గూగుల్ ప్రకటించింది.
