ఈ కామర్స్ దిగ్గజం ఫ్లిప్కార్ట్ మరోసారి 'బిగ్ సేవింగ్ డేస్'(Flipkart Big Saving Days) సేల్తో ముందుకొచ్చింది. ఇందులో మొబైల్ ఫోన్లు, ఎలక్ట్రానిక్స్ సహా ఇతర ఉత్పత్తులపై భారీ డిస్కౌంట్లు ఇస్తోంది. బిగ్ సేవింగ్ డేస్ సేల్ జూన్ 13(ఆదివారం) నుంచి జూన్ 16 వరకు కొనసాగనుంది. ఈ సేల్లో ఇస్తున్న ఆఫర్లపై పూర్తి వివరాలు ఇప్పుడు చూద్దాం.
ఆఫర్లు ఇలా..
- యాపిల్ ఐఫోన్ 11 (64 జీబీ) డిస్కౌంట్ ధరను రూ.49,999గా నిర్ణయించింది ఫ్లిప్కార్ట్. దీని అసలు ధర రూ. 54,900. ఎక్స్ఛేంజీ ద్వారా రూ.14,600 వరకు అదనపు డిస్కౌంట్ పొందే వీలుంది.
- గూగుల్ పిక్సెల్ 4ఏ ధరను రూ.31,999 నుంచి రూ.26,999కి తగ్గించింది ఫ్లిప్కార్ట్. 6జీబీ ర్యామ్, 128 జీబీ స్టోరేజ్ సామర్థ్యంతో ఈ స్మార్ట్ఫోన్ లభిస్తుంది.
- శాంసంగ్ ఇటీవల విడుదల చేసిన బడ్జెట్ ఫోన్ గెలాక్సీ ఎఫ్ 12 డిస్కౌంట్ ధర రూ.9,999గా నిర్ణయించింది. దీని అసలు ధర రూ.12,999గా ఉంది. 4జీబీ ర్యామ్, 64 జీబీ స్టోరేజ్ ఈ స్మార్ట్ఫోన్ సామర్థ్యం.
- ఏసర్ యాస్పైర్ 7 ల్యాప్టాప్ ధరను.. ఏకంగా రూ.89,999 నుంచి రూ.56,990కి తగ్గించింది ఫ్లిప్కార్ట్.
- ఎల్జీ యూహెచ్డీ 65 అంగుళాల స్మార్ట్ టీవీ ఆఫర్ ధరను రూ.76,999గా నిర్ణయించింది. దీని అసలు ధర రూ.1,39,990గా ఉంది.
వీటన్నింటితో పాటు ఇతర ఎలక్ట్రానిక్ ఉత్పత్తులు, స్మార్ట్ఫోన్లు, గృహోపకరణాలపై భారీ డిస్కౌంట్ ఇస్తోంది. డిస్కౌంట్ ఆఫర్లతో పాటు ఎస్బీఐ క్రెడిట్ కార్డ్ ద్వారా చెల్లింపులు, ఈఎంఐపై 10 శాతం తక్షణ డిస్కౌంట్ కూడా పొందొచ్చు.
ఇదీ చదవండి:ఈ ఏడాది విడుదలైన ఫోన్లపై ఓ లుక్కేయండి..
