రష్యా కరోనా వ్యాక్సిన్ 'స్నుత్నిక్ వి'పై భారత్లో క్లినికల్ ట్రయల్స్ నిర్వహించడానికి డాక్టర్ రెడ్డీస్ లేబోరేటరీస్కు కీలక ఆదేశాలు జారీ చేసింది డ్రగ్స్‌ కంట్రోలర్‌ జనరల్‌ ఆఫ్‌ ఇండియా (డీసీజీఐ). ట్రయల్స్ నిర్వహణ అనుమతి కోసం సవరించిన ప్రోటోకాల్ను సమర్పించాలని సూచించింది.
"డాక్టర్ రెడ్డీస్ ల్యాబ్ పంపిన దరఖాస్తును డీసీజీఐ నిపుణుల కమిటీ పూర్తిగా సమీక్షించింది. మరింత సమాచారంతో సవరించిన ప్రోటోకాల్ను రెడ్డీస్ ల్యాబ్ సమర్పించాలని కమిటీ కోరింది."
- ఓ ప్రభుత్వ అధికారి
వ్యాక్సిన్ రెండు, మూడు ట్రయల్స్ నిర్వహణకు అనుమతి కోరుతూ డీసీజీఐకి కంపెనీ ఇటీవల దరఖాస్తు చేసింది.
స్పుత్నిక్‌ వి టీకాను మనదేశంలో పరీక్షించి, ఆ తర్వాత తయారు చేసి విక్రయించటానికి డాక్టర్ రెడ్డీస్... రష్యాకు చెందిన ఆర్‌డీఐఎఫ్‌ (రష్యన్‌ డైరెక్ట్‌ ఇన్వెస్ట్‌మెంట్‌ ఫండ్‌)తో ఒప్పందం కుదుర్చుకుంది. అన్ని అనుమతులు వచ్చాక డాక్టర్ రెడ్డీస్కు 10 కోట్ల డోసుల స్పుత్నిక్‌ వి టీకాను సరఫరా చేయటానికి ఆర్‌డీఐఎఫ్‌ ముందుకు వచ్చింది. ఈ నేపథ్యంలో డాక్టర్ రెడ్డీస్ తగిన సన్నాహాలు చేపట్టింది. రష్యాలో ఈ టీకాపై ఇప్పటికే మూడో దశ క్లినికల్ పరీక్షలు జరుగుతున్నాయి.
