దేశ వ్యాప్తంగా రెండు రోజుల సమ్మెకు పిలుపునిచ్చాయి బ్యాంకు యూనియన్లు. ఈ నెల 31, ఫిబ్రవరి 1న సమ్మె చేయనున్నట్లు యునైటెడ్ ఫోరం ఆఫ్ బ్యాంక్ యూనియన్స్ (యూఎఫ్బీయూ) వెల్లడించింది. ఇండియన్ బ్యాంక్ అసోసియేషన్ (ఐబీఏ)తో ఈ నెల 13న .. జరిగిన వేతన సమీక్ష చర్చలు విఫలమవ్వడం కారణంగా ఈ నిర్ణయం తీసుకున్నట్లు పేర్కొంది.
దేశ వ్యాప్తంగా ఉన్న తొమ్మిది బ్యాంకు యూనియన్ల తరఫున యూఎఫ్బీయూ ఈ చర్చల్లో పాల్గొంది.
మార్చిలో మరో 3 రోజులు
ఈ రెండు రోజుల.. తర్వాత మార్చి 11-13 మధ్య మరోసారి సమ్మెకు దిగనున్నట్లు యూఎఫ్బీయూ స్పష్టం చేసింది. అప్పటికీ డిమాండ్లు నేరవేర్చకపోతే.. ఏప్రిల్ 1 నుంచి నిరవధిక సమ్మె చేయాలని నిర్ణయించుకున్నట్లు యూనియన్ సభ్యుల్లో ఒకరు తెలిపారు.
15 శాతం పెంచాలని..
ఐబీయూతో జరిగిన సమీక్షలో వేతనాలు 15 శాతం పెంచాలని యూఎఫ్బీయూ కోరింది. ఐబీఏ మాత్రం 12.25 శాతం పెంపునకు మాత్రమే సుముఖత చూపించిందని సమాచారం.
ఇదీ చూడండి:బంగారం, వెండి ధరలు పైపైకి.. నేటి ధరలు ఇవే
