తమ బ్యాంకులో విలీనమైన లక్షీ విలాస్ బ్యాంక్ (ఎల్వీబీ) వినియోగదార్లు అన్ని బ్యాంకింగ్ సేవలను వినియోగించుకోవచ్చని డీబీఎస్ బ్యాంక్ ఇండియా వెల్లడించింది. అదే సమయంలో సేవింగ్స్, ఫిక్స్డ్ డిపాజిట్లపై వడ్డీ రేట్లలో ప్రస్తుతానికి మార్పులేమీ లేవని స్పష్టం చేసింది. ప్రభుత్వం, ఆర్బీఐకి ఉన్న ప్రత్యేకాధికారాల కింద డీబీఎస్ బ్యాంక్ ఇండియాలో ఎల్వీబీ విలీనం నవంబర్ 27 నుంచి అమల్లోకి వచ్చింది.
"తదుపరి ఆదేశాలు జారీ అయ్యే వరకు వడ్డీ రేట్లలో మార్పులు ఉండవు. అదే విధంగా ఎల్వీబీ సర్వీసు షరతులు, నిబంధనల కిందే ఎల్వీబీ ఉద్యోగులు కొనసాగుతారు. ఇప్పుడు వారంతా డీబీఎస్ బ్యాంక్ ఇండియా ఉద్యోగులయ్యారు."
- డీబీఎస్ బ్యాంక్
రాబోయే కొద్ది నెలల్లో ఎల్వీబీ నెట్వర్క్, వ్యవస్థను డీబీఎస్లో ఏకీకృతం చేస్తామని డీబీఎస్ ఇండియా వెల్లడించింది. అప్పుడు వినియోగదార్లకు మరిన్ని సేవలు అందుబాటులోకి వస్తాయని తెలిపింది.
- ఇదీ చూడండి: అదిరే ఫీచర్లతో మోటోజీ 5జీ
