ప్రముఖ ప్రొఫెషనల్ నెట్వర్క్ ప్లాట్ఫామ్ లింక్డ్ఇన్ ద్వారా నిమిషానికి మూడు నియామకాలు అవుతున్నట్లు.. దాని మాతృసంస్థ మైక్రోసాఫ్ట్ సీఈఓ సత్యనాదెళ్ల తెలిపారు.
చాలా మంది ప్రొఫెషనల్స్ తమ నైపుణ్యాలను పెంచుకునేందుకు లింక్డ్ ఇన్ వైపు మొగ్గు చూపుతున్నారని పేర్కొన్నారు. వారంతా వారానికి 10 లక్షల గంటల కంటెంట్ను చూస్తున్నారని చెప్పారు. గత ఏడాదితో పోలిస్తే ఇది రెట్టింపుకన్నా అధికమని వివరించారు.
"మార్కెటింగ్ సొల్యుషన్స్ పరంగా లింక్డ్ఇన్లో అడ్వయిజర్ డిమాండ్ దాదాపు కరోనా ముందు స్థాయికి చేరింది. ఇది క్రితం ఏడాదితో పోలిస్తే 40 శాతం పెరిగింది. మార్కెటర్లు మా టూల్స్ వాడుకునని వ్యాపారం చేసేందుకు సిద్ధంగా ఉన్న నిపుణులను అనుసంధానమవగలుగుతున్నారు."
-సత్య నాదెళ్ల, మైక్రోసాఫ్ట్ సీఈఓ
ఇదీ చూడండి:కరోనాతో బంగారానికి డిమాండ్ డౌన్- కానీ..
