Youtube Premium: భారత్లో వినియోగదారులకు 2 నెలల పాటు యూట్యూబ్ ప్రీమియం సేవలు ఉచితంగా లభించనున్నాయి. సరికొత్త పోకో ఎం4 ప్రో కొనుగోలుతో ఈ ఆఫర్ లభించనుంది. అందుకోసం యూట్యూబ్, పోకో సంస్థలు జట్టు కట్టాయి. మొదటి 2 నెలల తర్వాత మూడో నెల నుంచి వినియోగదారులు చందా (సబ్స్క్రిప్షన్) చెల్లించాల్సి ఉంటుంది.
యూట్యూబ్ ప్రీమియం వల్ల లాభం?
- అసహనం కలిగించే యాడ్లు లేకుండానే వీడియోలను వీక్షించవచ్చు
- యూట్యూబ్ అప్లికేషన్ నుంచి బయటకు వచ్చినా.. వీడియోలు, మ్యూజిక్ బ్యాక్గ్రౌండ్లో ప్లే అవుతాయి
- వీడియోలను డౌన్లోడ్ చేసుకునే సదుపాయం
- సబ్స్క్రిప్షన్తో యూట్యూబ్ మ్యూజిక్ ప్రీమియం సేవలు ఆస్వాదించవచ్చు
- ప్రీమియంలోని ప్రత్యేకమైన కంటెంట్ను సబ్స్క్రిప్షన్తో వీక్షించవచ్చు
యూట్యూబ్ ప్రీమియంను కొనుగోలు (టాప్అప్) చేయాలంటే ఇవీ ధరలు..
- నెలకు- రూ.139
- మూడు నెలలకు- రూ. 399
- ఏడాదికి రూ.1290
ఇప్పటివరకు యూట్యూబ్ ప్రీమియం వినియోగించనివారికి నెల రోజులపాటు ఉచితంగా (ఫ్రీ ట్రైయల్) ఆ సేవలను అందిస్తోంది యూట్యూబ్. ఆ తర్వాత సబ్స్క్రిప్షన్కు (క్రెడిట్కార్డు వంటి వాటి ద్వారా నెలనెలా ఆటోమేటిక్గా చెల్లింపు జరిగిపోతుంది) ప్రతి నెల రూ.129 చెల్లించాల్సి ఉంటుంది.
పోకో ఎం4 ఫీచర్స్ ఇవే..
- మీడియా టెక్ హీలియో జీ96 ఎస్ఓసీ ప్రాసెసర్
- 8జీబీ ర్యామ్
- 128జీబీ ఇంటర్నల్ స్టోరేజీ
- 6.43 అంగుళాల ఫుల్ హెచ్డీ+ అమోల్డ్ డిస్ప్లే
- 90హెర్జ్ రిఫ్రెష్ రేట్
- 64ఎంపీ ప్రైమరీ కెమెరా
- 16ఎంపీ సెల్ఫీ కెమెరా
ధర (భారత్లో)..
- 6జీబీ+64జీబీ.. రూ.13,999
- 6జీబీ+128జీబీ.. రూ.15,499
- 8జీబీ+128జీబీ.. రూ.16,999
ఇదీ చూడండి: ఆన్‌లైన్‌ వీడియోలను ఎలా డౌన్లోడ్ చేయాలి?
