ఈ నెల 20వ తేదీన 'రియల్మీ 5ఎస్' మోడల్ను భారత మార్కెట్లోకి విడుదల చేయనుంది ఆ సంస్థ. ఇది రియల్ మీ 5కి కొనసాగింపు. 'రియల్ మీ'కి పోటీగా.. రెండు రోజుల వ్యవధిలోనే 'వివో యూ20' మోడల్ను ఈ నెల 22వ తేదీన మార్కెట్లో ఆవిష్కరించనుంది వివో. ఇది వివో 'యూ' సిరీస్కు చెందింది. దీంతో ఈ స్మార్ట్ఫోన్ల మధ్య తీవ్ర పోటీ నడిచే అవకాశం ఉంది. ఎందుకంటే ఈ రెండు సంస్థల ఫీచర్లు, ధరలు దాదాపు ఒకే విధంగా ఉన్నట్లు సమాచారం. మరి ఈ ఫీచర్లు ఎలా ఉండనున్నాయో పోల్చి చూద్దాం.
రెండు ఫోన్ల ఫీచర్లు అంచనాలు..
| వివో యూ20 | రియల్ మి 5ఎస్ |
| 6.3 అంగుళాల తెర ఫుల్ హెచ్డీ | 6.5 అంగుళాల ఫుల్ హెచ్డీ తెర.. |
| క్వాల్‌కమ్ స్నాప్డ్రాగన్ 675 ప్రాసెసర్ | స్నాప్డ్రాగన్ 665 ఎస్ఓసీ ప్రాసెసర్ |
| ఆండ్రాయిడ్ 9.0పై ఆపరేటింగ్ సిస్టమ్ | అండ్రాయిడ్ 9.0పై ఆపరేటింగ్ సిస్టమ్ |
| 6 జీబీ ర్యామ్ | 4జీబీ ర్యామ్ |
| 64 జీబీ ఇంటర్నల్ స్టోరేజ్ | 128 జీబీ స్టోరేజీ |
| 1080 x 2340 పిక్సెల్ రిజల్యూషన్ | 720x1600 పిక్సెల్ రిజల్యూషన్ |
| ట్రిపుల్ రియర్ కెమెరా 16+8+2 ఎంపీ | క్వాడ్ రియర్ కెమెరా (48+8+2+2 మెగా పిక్సెళ్లు) |
| 16 ఎంపీ ఫ్రంట్ కెమెరా | 13 ఎంపీ సెల్ఫీ కెమెరా |
| 5000 ఎంఏహెచ్ బ్యాటరీ సామర్థ్యం | 5000, ఎంఏహెచ్ బ్యాటరీ. |
వివో యూ20 x రియల్మీ 5ఎస్..
దాదాపు వీటి ఫీచర్లు ఒకే లాగా ఉన్నాయి. ర్యామ్, ఇంటర్నల్ స్టోరేజ్, పిక్సల్ రిజల్యూషన్ ప్రకారం వివో యూ20 ముందు వరుసలో ఉంది. రియర్ కెమెరా విషయంలో 'రియల్ మీ 5ఎస్' ముందు ఉంది. రెండు ఫోన్ల బ్యాటరీ సామర్థ్యాలు ఒకేలా ఉన్నాయి. ఇక ధర విషయానికొస్తే.. వీవో యూ20 ధర రూ.11,999 గాను, రియల్ మీ 5ఎస్ ధర రూ.9,999 గా ఉండొచ్చనే అంచనాలున్నాయి. ఇప్పటికే మార్కెట్లో అందుబాటులో ఉన్న బడ్జెట్ ఫోన్ 'రెడ్ మీ నోట్ 8' తోనూ ఈ రెండు ఫోన్లు పోటీ పడనున్నాయి.
ఇదీ చూడండి : ఫాస్టాగ్తో టోల్ వసూలు కోసం ప్రత్యేక అధికారులు
