కరోనా వ్యాప్తి నేపథ్యంలో తరచుగా ఫార్వర్డ్ అయ్యే మెసేజ్లపై పరిమితి విధిస్తూ వాట్సాప్ తీసుకున్న నిర్ణయం ఫలితాలు ఇస్తున్నట్లు తెలుస్తోంది. ఇటీవల తమ యాప్లో ఫార్వర్డ్ మెసేజ్లు 70 శాతం వరకు తగ్గినట్లు వాట్సాప్ ప్రకటించింది.
కరోనా కారణంగా విధించిన లాక్డౌన్తో ప్రపంచ దేశాల్లో కోట్లాది మంది ఇళ్లకే పరిమితం అయ్యారు. స్నేహితులు, బంధులను కలుసుకునే వీలు లేకుండా పోయింది. ఈ నేపథ్యంలో వాట్సాప్ వంటి యాప్లలో సంభాషణలు విపరీతంగా పెరిగిపోయాయి. ఇదే సమయంలో కరోనాకు సంబంధించిన అసత్య సమాచారాన్ని నిర్ధరించుకోకుండానే చాలా మంది ఫార్వర్డ్ చేస్తున్నారు.
ఈ నేపథ్యంలో తప్పుడు సమాచారం వ్యాప్తిని అరికట్టేందుకు ఏప్రిల్ 7 నుంచి ఫార్వర్డ్ మెసేజ్లపై పరిమితులు విధిస్తూ వాట్సాప్ నిర్ణయం తీసుకుంది. ఒక సారి ఒకరికి మాత్రమే ఫార్వర్డ్ మెసేజ్ పంపే వీలుంటుందని స్పష్టం చేసింది. ఫలితంగానే ఫార్వర్డ్ మెసేజ్లు గణనీయంగా తగ్గినట్లు వాట్సాప్ ప్రకటించింది.
అంతకు ముందు వాట్సాప్లో ఫార్వర్డ్ మెసేజ్లను ఒకే సారి ఐదుగురికి పంపే వీలుండేది.
ఇదీ చూడండి:'అక్టోబర్ నుంచి అమెరికా ప్రగతి రథం పరుగులు'
