వినియోగదారులకు కొత్త ఫీచర్లను అందించేందుకు సామాజిక మాధ్యమ దిగ్గజం వాట్సాప్(WhatsApp) ఎప్పటికప్పుడు ప్రయత్నాలు చేస్తూనే ఉంటుంది. తాజాగా మరో అప్డేట్ను పరీక్షిస్తున్నట్టు తెలుస్తోంది. ప్రస్తుతం ఈ 'వ్యూవ్ వన్స్' (WhatsApp View Once) ఫీచర్ను ఆండ్రాయిడ్ బీటా టెస్టర్లు పరీక్షిస్తున్నట్టు తెలుస్తోంది. ఈ ఫీచర్తో ఫొటోలు, వీడియోలను.. ఒక్కసారి చూసిన అనంతరం అవి వాటంతట అవే డిలీట్ అయిపోతాయి.
ఈ ఫీచర్ (WhatsApp latest features) త్వరలో వాట్సాప్లో అందుబాటులో ఉంటుందని ఫేస్బుక్ సీఈఓ మార్క్ జుకర్బర్గ్ వెల్లడించారు.
ఎలా పనిచేస్తుంది?
ఈ వ్యూవ్ వన్స్ ఫీచర్ ద్వారా ఏవైనా ఫొటోలు, వీడియోలు పంపితే.. వాటిని కేవలం ఒక్కసారే చూడగలుగుతారు. చూసిన వెంటనే నోటిఫికేషన్ కూడా వస్తుంది. 'రీడ్ రెసీపియంట్'ను ఆఫ్ చేసినా కూడా.. ఫొటో చూసినట్టు పంపినవారికి కనపడుతుంది.
అయితే.. ఆ ఫొటోనూ స్క్రీన్ షాట్ తీసుకోవడం, వీడియోను రికార్డ్ చేయడం వంటివి చేస్తే మాత్రం నోటిఫికేషన్ అందదు.
గ్రూప్లలో కూడా ఈ వ్యూవ్ వన్స్ ఫీచర్ ద్వారా షేర్ చేసుకోవచ్చు. ఈ ఫైల్ను ఎవరు చూశారన్న వివరాలు కూడా తెలుసుకోవచ్చు. ఈ ఫీచర్ను ఎనేబుల్ చేసుకోని వారికి కూడా ఇది వర్తిస్తుంది.
ఇదీ చూడండి:- బెస్ట్ క్వాలిటీ వీడియోలు వాట్సాప్లో పంపెయ్యండిలా..
