ప్రముఖ మెసేజింగ్‌ యాప్ 'వాట్సాప్'.. చాటింగ్ను మరింత సులభతరం చేసేందుకు రెండు నూతన ఫీచర్లు తేనున్నట్లు సమాచారం. 'న్యూ చాట్ షార్ట్కట్', యానిమేషన్ ఫీచర్లను అందుబాటులోకి తెస్తున్నట్లు తెలిసింది.
బిజినెస్ సమాచార విభాగంలో చాట్ షార్ట్కట్లను సరికొత్తగా రూపొందించేందుకు కృషి చేస్తున్నట్లు వాట్సాప్ గతంలోనే తెలిపింది. అప్‌డేట్ చేస్తోన్న 'యూఐ'లో బిజినెస్ అకౌంట్ వినియోగదారులు స్క్రీన్ మధ్యలోనే మెసేజ్, వాయిస్ కాల్, కాటలాగ్, ఫార్వర్డ్ అనే ఆప్షన్స్ను ఉపయోగించేలా తీర్చిదిద్దనుంది. ఈ ఫీచర్ ఇంకా అభివృద్ధి దశలో ఉందని సమాచారం. ప్రస్తుతం.. బిజినెస్ సమాచారం ఎడమవైపున కనిపిస్తోంది.
యానిమేటెడ్ హెడర్ అనే మరో ఫీచర్ను వాట్సాప్ పరీక్షిస్తున్నట్లు 'వెబ్బీటా' అనే టెక్ వెబ్సైట్ తెలిపింది. అదృశ్యమైన సందేశాల కోసం చాటింగ్లలో ఇమేజ్తో కూడిన మెసేజ్లకు.. యానిమేషన్ ఆప్షన్ను జోడించవచ్చు. ఫలితంగా అదృశ్యమైన సందేశాల గురించి వినియోగదారులు సులువుగా తెలుసుకోగలుగుతారని కంపెనీ చెబుతోంది. ఈ ఫీచర్ త్వరలో ఇతర బీటా వినియోగదారులకు అందుబాటులో ఉండనుంది.
మానవాళి ఎదుర్కొంటున్న వాతావరణ సవాళ్లపై కొత్త స్టిక్కర్ ప్యాక్ను ఇప్పటికే విడుదల చేసింది వాట్సాప్.
ఇవీ చదవండి: వాట్సాప్ ప్రైవసీ విధానాలపై సుప్రీంలో వ్యాజ్యం
