కరోనా విజృంభిస్తుండటం వల్ల ప్రపంచవ్యాప్తంగా అనేక మంది ఉద్యోగాలు కోల్పోయిన వేళ ఓ తీపి కబురు చెప్పింది వాల్మార్ట్ సంస్థ. నిత్యావసర వస్తువుల ఆర్డర్లను అందించేందుకు కొత్తగా 1,50,000 మందిని చేర్చుకోనున్నట్లు ప్రకటించింది. అంతేకాకుండా బోనల్ల రూపంలో 365 మిలియన్ డాలర్ల(36.5 కోట్ల)ను చెల్లించనుంది ఈ దిగ్గజ సంస్థ.
"వీరిని మొదటగా తాత్కాలికంగా తీసుకొని తర్వాత కాలంలో శాశ్వత ఉద్యోగులుగా గుర్తిస్తాం. ఫుల్టైమ్ ఉద్యోగం చేసిన వారికి 300 డాలర్లు, పార్ట్టైమ్ ఉద్యోగులకు 150 డాలర్లను బోనస్గా అందిస్తాం."
-డౌగ్ మెక్‌మిలన్, వాల్మార్ట్ సీఈఓ
బహుమతి ఇవ్వాలని..
సంక్షోభం సమయంలో వినియోగదారులకు అంకితభావంతో సేవ చేసేవారికి బహుమతి చెల్లించాలని నిర్ణయించుకున్నట్లు వాల్మార్ట్ తెలిపింది. తర్వాతి త్రైమాసికం బోనస్ల చెల్లింపులు కూడా వేగవంతం చేయనున్నట్లు తెలిపింది. ఇందుకు దాదాపు 550 మిలియన్లను కేటాయించింది.
నియామకాలు వేగవంతం
కరోనా మహమ్మారి కారణంగా యూఎస్ వ్యాప్తంగా ప్రయాణాలపై ఆంక్షలు విధించడమే కాకుండా అనేక సంస్థలు మూతపడ్డాయి. దీనివల్ల దాదాపు 70 వేల మంది ప్రజలు ఉద్యోగాలు కోల్పోయి ఇళ్లకే పరిమితం అయ్యారు. ప్రస్తుతం ఈ నియామకాలను వేగవంతం చేయడమే కాకుండా దరఖాస్తు ప్రక్రియ సమయాన్ని రెండు వారాల నుంచి 24 గంటలకు తగ్గిస్తున్నట్లు తెలిపారు.
ఇదీ చదవండి: విదేశీయుల వీసాల గడువును పొడిగించిన కేంద్రం
