Twitter new rules: ప్రముఖ సామాజిక మాధ్యమ సంస్థ ట్విట్టర్.. కొత్త నిబంధనలను తీసుకువచ్చింది. అనుమతి లేకుండా ఒకరి ఫొటోలు, వీడియోలను ఇతరులు పోస్ట్ చేస్తే.. సంబంధిత వ్యక్తుల అభ్యర్థన మేరకు వాటిని తొలగించనున్నట్లు తెలిపింది.
వ్యక్తిగత చిరునామా, ఫోన్ నంబర్ వంటి విషయాలకు ఇది వరకే వర్తిస్తున్న ఈ నిబంధనను ఇకపై ఫొటోలు, వీడియోలు వంటి విషయంలో కూడా వర్తిస్తుందని ట్విట్టర్ తెలిపింది. ఈ మేరకు ప్రైవేట్ ఇన్ఫర్మేషన్ పాలసీని సవరించింది. "ఏదైనా ట్వీట్కు సంబంధించి అనధికారిక ప్రైవేట్ మీడియా ఉందని.. రిపోర్ట్ వస్తే మేం ఇకపై చర్యలు చేపడతాం" అని ట్విట్టర్ తన నిబంధనల్లో తెలిపింది. నవంబరు 30 నుంచి ఈ నిబంధనలు అమల్లోకి వచ్చినట్లు చెప్పింది.
పరిగణించి..
Twitter new rule on photos: ఏ పరిస్థితుల్లో ఫొటోలు, వీడియోలు పోస్ట్ చేశారన్న విషయాన్ని తాము పరిగణనలోకి తీసుకుంటామని ట్విట్టర్ తెలిపింది. ఈ కొత్త నిబంధన నుంచి కొన్నింటికి మినహాయింపునిస్తున్నట్లు చెప్పింది. ప్రముఖుల వంటి వారి విషయంలో, ప్రజా ప్రయోజనం ఉన్న విషయంలో ఫొటోలను, వీడియోలను ఎవరైనా షేర్ చేస్తే ఈ నిబంధన వర్తించదని పేర్కొంది.
విమర్శలు..
ట్విట్టర్ తీసుకువచ్చిన ఈ కొత్త నియమంపై ఉన్న ప్రపంచవ్యాప్తంగా విమర్శలు ఎదురవుతున్నాయి. పేపర్లో ఉన్న ఈ నిబంధనలను ఆచరణాత్మకంగా అమలు చేయడం కష్టతరమని చెబుతున్నారు.
ఇదీ చూడండి: 5జీపై టెల్కోల పెట్టుబడులు రూ.1.8 లక్షల కోట్లు!
