దేశవ్యాప్త లాక్డౌన్ నేపథ్యంలో స్తంభించిన వాహన విక్రయాలను ప్రారంభించేందుకు సిద్ధమైంది ప్రముఖ వాహన తయారీ సంస్థ టాటా మోటార్స్. ఇందుకోసం 'క్లిక్‌ టూ డ్రైవ్‌' పేరుతో ఆన్లైన్ అమ్మకాల ప్లాట్‌ఫామ్‌ను ప్రారంభించింది.
ఒక్క క్లిక్‌తో కొనుగోలుదారులు ప్రయాణికుల వాహనాలను ఆర్డర్ చేయొచ్చని కంపెనీ తెలిపింది. దేశవ్యాప్తంగా ఉన్న 750కు పైగా విక్రయశాలల డీలర్లతో ఈ ప్లాట్‌ఫామ్‌ను అనుసంధానించామని, ఇంటి వద్దకే వాహనాన్ని అందజేస్తామని వెల్లడించింది.
కొనుగోలు ప్రక్రియ ఇలా..
- 'క్లిక్‌ టూ డ్రైవ్‌' వెబ్‌సైట్‌లో నమోదు చేసుకున్న వినియోగదారులు.. టాటా మోటార్స్ వాహన శ్రేణిలో నచ్చిన మోడల్‌ను ఎంపిక చేసుకోవచ్చు.
- వీడియో బ్రోచర్‌లో ఫీచర్లు, ఇతర సదుపాయాలను తెలుసుకోవచ్చు.
- ఆన్లైన్లో కొంత మొత్తాన్ని చెల్లించి బుకింగ్‌ చేసుకోవచ్చు.
- నచ్చిన వాహనాన్ని హోం డెలివరీ ద్వారా తెప్పించుకోవచ్చు.
- సమీప డీలర్ వద్దకు వెళ్లి వాహనాన్ని స్వయంగా తీసుకునే సదుపాయం ఉంది.
- ఫైనాన్స్‌, ఎక్స్ఛేంజీ సేవలనూ కొనుగోలుదార్లు పొందొచ్చు.
ఇదీ చూడండి:'స్విగ్గీలో ఇక నిత్యావసరాల హోం డెలివరీ'
