కొవిడ్-19 (కరోనా) భయాలు వెంటాడుతున్నప్పటికీ ... చైనాలో వ్యాపార కార్యకలాపాలు తిరిగి ప్రారంభం అయ్యాయి. దీనితో మదుపరుల సెంటిమెంట్ బలపడింది. ఫలితంగా ఇవాళ కూడా దేశీయ స్టాక్మార్కెట్లు లాభాలతో ప్రారంభమయ్యాయి.
బొంబాయి స్టాక్ ఎక్స్ఛేంజి సూచీ సెన్సెక్స్ 402 పాయింట్లు లాభపడి 41 వేల 618 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 108 పాయింట్లు వృద్ధిచెంది 12 వేల 216 వద్ద ట్రేడవుతోంది.
జనవరి చివర్లో విడుదలయ్యే ఫ్యాక్టరీల ఉత్పత్తి, సీపీఐ ద్రవ్యోల్బణం, క్యూ 3 ఫలితాలపై మదుపరులు దృష్టి కేంద్రీకరించే అవకాశం ఉందని విశ్లేషకులు అభిప్రాయపడుతున్నారు. అలాగే ఆర్బీఐ అంచనా వేసినట్లుగా ద్రవ్యోల్బణం పెరిగే అవకాశముందని భావిస్తున్నారు.
లాభనష్టాల్లో
హెచ్యూఎల్, టాటాస్టీల్, వేదాంత, నెస్లే ఇండియా, పవర్ గ్రిడ్కార్ప్, ఎస్బీఐ, కోల్ ఇండియా, హెచ్సీఎల్ టెక్, ఎన్టీపీసీ, యాక్సిస్ బ్యాంకు రాణిస్తున్నాయి.
ఎస్ బ్యాంకు, ఇండస్ ఇండ్ బ్యాంకు, భారతీ ఇన్ఫ్రాటెల్, డా రెడ్డీస్ ల్యాబ్స్, ఎల్ అండ్ టీ, టెక్ మహీంద్రా నష్టాల్లో కొనసాగుతున్నాయి.
ఆసియా మార్కెట్లు
నిక్కీ, హాంగ్ సెంగ్, కోస్పీ, షాంగై కాంపోజిట్ లాభాల్లో కొనసాగుతున్నాయి. మరోవైపు వాల్స్ట్రీట్ కూడా లాభాలతో ముగిసింది.
రూపాయి విలువ
రూపాయి విలువ 5 పైసలు పెరిగి, ఒక డాలరుకు రూ.71.21గా ఉంది.
ముడిచమురు ధర
అంతర్జాతీయ మార్కెట్లో ముడిచమురు ధర 1.72 శాతం పెరిగింది. ప్రస్తుతం బ్యారెల్ ధర 54.94 డాలర్లుగా ఉంది
ఇదీ చూడండి: ప్రేమికుల రోజు కానుక: రూ.999కే ఇండిగో ఫ్లైట్ టికెట్
