వారాంతంలో నష్టాలు.. సెన్సెక్స్ 143 మైనస్ - నిఫ్టీ

నష్టాల్లో స్టాక్మార్కెట్లు... సెన్సెక్స్ 70 మైనస్

Published : Jul 10, 2020, 9:40 AM IST

Updated : Jul 10, 2020, 3:47 PM IST

15:40 July 10

10,800 దిగువకు నిఫ్టీ

వారంలో చివరి సెషన్ను నష్టాలతో ముగించాయి స్టాక్ మార్కెట్లు. సెన్సెక్స్ 143 పాయింట్లు కోల్పోయి 36,594 వద్దకు చేరింది. నిఫ్టీ 45 పాయింట్లు తగ్గి 10,768 వద్ద స్థిరపడింది.

అంతర్జాతీయంగా ప్రతికూల సంకేతాలు, బ్యాంకింగ్ షేర్లలో లాభాల స్వీకరణ నష్టాలకు ప్రధాన కారణం.
రిలయన్స్, సన్ఫార్మా, హెచ్యూఎల్, భారతీ ఎయిర్టెల్, టీసీఎస్, సన్ఫార్మా షేర్లు లాభపడ్డాయి.
యాక్సిస్ బ్యాంక్, ఇండస్ఇండ్ బ్యాంక్, టైటాన్, హెచ్డీఎఫ్సీ, ఐసీఐసీఐ బ్యాంక్ నష్టాల్లో ముగిశాయి.

11:25 July 10

కొనసాగుతున్న నష్టాలు..

స్టాక్ మార్కెట్లు మిడ్ సెషన్ ముందు నష్టాల్లో కొనసాగుతున్నాయి. సెన్సెక్స్ దాదాపు 210 పాయింట్లు తగ్గి 36 వేల 528 వద్ద ట్రేడవుతోంది. నిఫ్టీ 50 పాయింట్లకుపైగా నష్టంతో 10,758 వద్ద కొనసాగుతోంది.

ఐటీ, ఆర్థిక షేర్లు ఒడుదొడుకులు ఎదుర్కొంటున్నాయి. ఫార్మా, టెలికాం షేర్లు రాణిస్తున్నాయి.
సన్ఫార్మా, హెచ్యూఎల్, పవర్గ్రిడ్, రిలయన్స్ ఇండస్ట్రీస్, బజాజ్ ఫినాన్స్, బజాజ్ ఆటో షేర్లు లాభాల్లో ఉన్నాయి.
టెక్ మహీంద్రా, ఇండస్ఇండ్ బ్యాంక్, టాటా స్టీల్, యాక్సిస్ బ్యాంక్ షేర్లు నష్టాల్లో ఉన్నాయి.

09:47 July 10

స్టాక్ మార్కెట్లు నష్టాల్లో ట్రేడవుతున్నాయి. గురువారం నమోదైన భారీ లాభాలను వారాంతపు సెషన్లో మదుపరులు సొమ్ముచేసుకునే పనిలో పడటం నష్టాలకు కారణంగా తెలుస్తోంది.

సెన్సెక్స్ 70 పాయింట్లకుపైగా కోల్పోయి..36,698 వద్దకు చేరింది. నిఫ్టీ దాదాపు 15 పాయింట్ల నష్టంతో 10,800 దిగువకు పడిపోయింది.

బ్యాంకింగ్ షేర్లలో అధికంగా అమ్మకాల ఒత్తిడి కనిపిస్తోంది.
సన్ఫార్మా, బజాజ్ ఆటో, ఎస్బీఐ, రిలయన్స్, భారతీ ఎయిర్టెల్ షేర్లు లాభాల్లో ఉన్నాయి.
టెక్ మహీంద్రా, టైటాన్, ఇండస్ఇండ్ బ్యాంక్, హెచ్డీఎఫ్సీ, యాక్సిస్ బ్యాంక్, హెచ్డీఎఫ్సీ బ్యాంక్ షేర్లు నష్టాల్లో ఉన్నాయి.

09:30 July 10

నష్టాల్లో స్టాక్ మార్కెట్లు...

అంతర్జాతీయ ప్రతికూలతల నడుమ దేశీయ స్టాక్మార్కెట్లు నష్టాలతో ప్రారంభమయ్యాయి.

బొంబాయి స్టాక్ ఎక్స్ఛేంజి సూచీ సెన్సెక్స్ 70 పాయింట్లు కోల్పోయి 36 వేల 667 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 23 పాయింట్లు నష్టపోయి 10 వేల 790 వద్ద ట్రేడవుతోంది.

లాభనష్టాల్లో

సన్ఫార్మా, భారతీ ఎయిర్టెల్, రిలయన్స్, ఎస్బీఐ, ఇన్ఫోసిస్ రాణిస్తున్నాయి.

ఇండస్ఇండ్ బ్యాంకు, హెచ్డీఎఫ్సీ, టైటాన్, ఏషియన్ పెయింట్స్, ఓఎన్జీసీ నష్టాల్లో కొనసాగుతున్నాయి.