స్టాక్ మార్కెట్లు వరుసగా రెండో రోజూ నష్టాలతో ముగిశాయి. గురువారం సెషన్లో బీఎస్ఈ-సెన్సెక్స్ 59 పాయింట్లు కోల్పోయి 38,310 వద్దకు చేరింది. ఎన్ఎస్ఈ-నిఫ్టీ 8 పాయింట్ల స్వల్ప నష్టంతో 11,300 వద్ద ఫ్లాట్గా స్థిరపడింది.
అంతర్జాతీయ సానుకూలతలతో ఆరంభంలో సానుకూలంగా స్పందించిన సూచీలు.. అమ్మకాల ఒత్తిడితో చివరకు నష్టాలను నమోదు చేశాయి.
ఇటు దేశీయంగా, అటు ప్రపంచవ్యాప్తంగా కరోనా కేసులు రోజురోజుకు రికార్డు స్థాయిలో పెరుగుతుండటం వల్ల మదుపరులు కాస్త ఆచితూచి వ్యవహరిస్తున్నట్లు విశ్లేషకులు చెబుతున్నారు.
ఇంట్రాడే సాగిందిలా..
సెన్సెక్స్ 38,517 పాయింట్ల అత్యధిక స్థాయి, 38,215 పాయింట్ల అత్యల్ప స్థాయిలను నమోదు చేసింది.
నిఫ్టీ 11,359 పాయింట్ల గరిష్ఠ స్థాయి;11,270 పాయింట్ల కనిష్ఠ స్థాయిల మధ్య కదలాడింది.
లాభనష్టాల్లోనివి ఇవే..
ఎల్&టీ, టైటాన్, ఎన్టీపీసీ, అల్ట్రాటెక్ సిమెంట్, టెక్ మహీంద్రా, ఓఎన్జీసీ షేర్లు లాభాలతో ముగిశాయి.
భారతీ ఎయిర్టెల్, సన్ఫార్మా, ఐటీసీ, ఇండస్ఇండ్ బ్యాంక్, ఎస్బీఐ, పవర్గ్రిడ్ షేర్లు నష్టాలను నమోదు చేశాయి.
ఆసియా మార్కెట్లు..
ఆసియాలో ప్రధాన మార్కెట్లు అయిన హాంకాంగ్ మినహా.. షాంఘై, టోక్యో, సియోల్ సూచీలు లాభాలతో ముగిశాయి.
రూపాయి..
కరెన్సీ మార్కెట్లో రూపాయి గురువారం దాదాపు ఫ్లాట్గా ముగిసింది. డాలర్తో పోలిస్తే మారకం విలువ రూ.74.84 వద్ద ఉంది.
