అమ్మకాల ఒత్తిడితో భారీ నష్టాల్లో స్టాక్ మార్కెట్లు - సెన్సెక్స్

నేటి స్టాక్ మార్కెట్లు

Published : Jul 27, 2020, 9:28 AM IST

Updated : Jul 27, 2020, 12:27 PM IST

12:10 July 27

అవే నష్టాలు..

స్టాక్ మార్కెట్లలో నష్టాలు కొనసాగుతున్నాయి. సెన్సెక్స్ 140 పాయింట్లకుపైగా కోల్పోయి 37,987 వద్ద ట్రేడవుతోంది. నిఫ్టీ 40 పాయింట్లకుపైగా నష్టంతో 11,153 వద్ద కొనసాగుతోంది.

ఆరంభంలో భారీ నష్టాల్లో ఉన్న సూచీలు.. హెవీ వెయిట్ షేర్ల దన్నుతో కాస్త తేరుకున్నాయి.
బ్యాంకింగ్ షేర్లలో నమోదవుతున్న అమ్మకాలు నష్టాలకు ప్రధాన కారణం.
ఏషియన్ పెయింట్స్, టెక్ మహీంద్రా, ఇన్ఫోసిస్, టాటా స్టీల్, టీసీఎస్ షేర్లు లాభాల్లో ఉన్నాయి.
ఐసీఐసీఐ బ్యాంక్, హెచ్డీఎఫ్సీ బ్యాంక్, యాక్సిస్ బ్యాంక్, సన్ఫార్మా, బజాజ్ ఫినాన్స్ షేర్లు నష్టాల్లో ఉన్నాయి.

09:51 July 27

సెన్సెక్స్ 300 మైనస్..

స్టాక్ మార్కెట్లు భారీ నష్టాల్లోకి జారుకున్నాయి. సెన్సెక్స్ 300 పాయింట్లకుపైగా నష్టంతో 37,821 వద్ద ట్రేడవుతోంది. నిఫ్టీ 90 పాయింట్లకుపైగా కోల్పోయి 11,103 వద్ద కొనసాగుతోంది.

బ్యాంకింగ్, ఫార్మా, ఆటో షేర్లు ప్రధానంగా అమ్మకాల ఒత్తిడి ఎదుర్కొంటున్నాయి.
ఏషియన్ పెయింట్స్, కోటక్ బ్యాంక్, టీసీఎస్, ఏషియన్ పెయింట్స్, ఇన్పోసిస్, ఎల్&టీ లాభాల్లో ఉన్నాయి.
ఐసీఐసీఐ బ్యాంక్, హెచ్డీఎఫ్సీ బ్యాంక్, సన్ఫార్మా, ఎస్బీఐ షేర్లు నష్టాల్లో ప్రధానంగా ఉన్నాయి.

09:06 July 27

ఒడుదొడుకుల్లో స్టాక్ మార్కెట్లు..

స్టాక్ మార్కెట్లు సోమవారం ఒడుదొడుకుల్లో ప్రారంభమయ్యాయి. బీఎస్ఈ-సెన్సెక్స్ 10 పాయింట్లకుపైగా కోల్పోయి 38,114 వద్ద కొనసాగుతోంది. ఎన్ఎస్ఈ-నిఫ్టీ 15 పాయింట్లకుపైగా క్షీణించి 11,176 వద్ద ట్రేడవుతోంది.

అంతర్జాతీయ రాజకీయ పరిణామాలు.. ముఖ్యంగా అమెరికా-చైనా మధ్య నెలకొన్న అనిశ్చితి నేపథ్యంలో మదుపరులు ఆచితూచి వ్యవహరిస్తున్నారు.

రిలయన్స్ ఇండస్ట్రీస్, టీసీఎస్, హెచ్సీఎల్టెక్, టాటా స్టీల్, కోటక్ బ్యాంక్, ఇన్ఫోసిస్ షేర్లు ప్రధానంగా లాభాల్లో ఉన్నాయి

ఐసీఐసీఐ బ్యాంక్, హెచ్డీఎఫ్సీ బ్యాంక్, పవర్ గ్రిడ్, ఇండస్ఇండ్ బ్యాంక్, భారతీ ఎయిర్టెల్ షేర్లు నష్టాల్లో ఉన్నాయి.