సోమవారం దేశీయ సూచీలు లాభాల బాట పట్టాయి. ఆసియా మార్కెట్ల సానుకూల ట్రేడింగ్, విదేశీ నిధుల ప్రవాహమే ఇందుకు కారణం.
సెన్సెక్స్ 276 పాయింట్ల వృద్ధితో 38,298 వద్ద కొనసాగుతోంది. నిఫ్టీ 76 పాయింట్ల లాభంతో 11,508 వద్ద ట్రేడవుతోంది.
గత వారం వరుసగా ఐదు రోజులు లాభాల బాటలో పయనించిన మార్కెట్లు 1,352 పాయింట్లు గడించాయి.
ఆరోగ్యం, చమురు, బ్యాంకింగ్, ఐటీ రంగాల షేర్లు లాభాల్లో ఉన్నాయి.
లాభ-నష్టాలు
పవర్గ్రిడ్, కోటక్ బ్యాంక్, హెచ్డీఎఫ్సీ బ్యాంకు, రిలయన్స్, యాక్సిస్ బ్యాంకు,
ఆటో మొబైల్ సంస్థ మారుతీ షేర్లు నష్టాల్లో ఉన్నాయి.
సూచీల జోరుకు కారణాలివే:
⦁ విదేశీ నిధుల ప్రవాహంతో దేశంలో వాణిజ్య లోటు కొంత మేర తగ్గింది. ఇది పెట్టుబడి దారుల్లో భరోసా పెంచింది.
⦁ ఆసియా మార్కెట్లు సహా వాల్ స్ట్రీట్ లాభాల్లో ఉండగా... అంతర్జాతీయ మార్కెట్లు లాభాల బాటలో పరుగులు తీస్తున్నాయి.
నమ్మకం పెంచిన రూపాయి:
గత వారం వేగంగా పుంజుకున్న రూపాయి, నేడూ అదే జోరు కొనసాగించింది. ప్రస్తుతం 17 పైసలు బలపడిన రూపాయి మారక విలువ 68 రూపాయిల 93 పైసల వద్ద కొనసాగుతోంది.
