భారత్లో స్మార్ట్ఫోన్ల పరిశ్రమను కరోనావైరస్ తీవ్రంగా ప్రభావితం చేస్తోంది. స్మార్ట్ఫోన్ల విడిభాగాలు, ఇతర ముడి పరికరాల కోసం భారత్ చైనాపైనే అధికంగా ఆధారపడుతోంది. అయితే చైనాలో కరోనా వైరస్ విజృంభిస్తోన్న కారణంగా చాలా వరకు ఆ దేశ సంస్థలు కార్యకలాపాలు నిలిపేశాయి. ఫలితంగా చైనా నుంచి స్మార్ట్ఫోన్ల పరిశ్రమకు వచ్చే ముడి సరుకు సరఫరాకు తీవ్ర అంతరాయం ఏర్పడిందని పరిశ్రమ వర్గాలు అంటున్నాయి.
నిశితంగా పరిశీలిస్తున్నాం..
చైనాలో మూతపడిన ఫ్యాక్టరీలు మరికొన్ని రోజుల్లో తెరుచుకుంటాయా? ఈ వారంలో సరఫరా తిరిగి సాధారణ స్థాయికి చేరుకుంటాయా అనే అంశాన్ని భారత పరిశ్రమ నిశితంగా పరిశీలిస్తోంది.
"అవును, భారత స్మార్ట్ఫోన్ల పరిశ్రమపై ఇప్పటికే కరోనా ప్రభావం పడింది. కొన్ని రకాల మోడల్స్ ప్రభావితమయ్యాయి. ఇది ఇంకా ప్రారంభ దశ అయినందున ఇప్పుడే ఒక నిర్ణయానికి రాలేము. "- పంకజ్ మహీంద్రూ, ఇండియన్ సెల్యులార్ అండ్ ఎలక్ట్రానిక్స్ అసోసియేషన్ ఛైర్మన్
అయితే మార్కెట్ విశ్లేషకులు మాత్రం క్షేత్రస్థాయిలో పరిశ్రమ పరిస్థితులు అధ్వాన్నంగా ఉన్నాయంటున్నారు. స్మార్ట్ఫోన్ పరికరాలు ప్రధానంగా చైనా నుంచి వస్తునందున మార్కెట్తో పాటు డిమాండ్ మందకొడిగా సాగుతున్నట్లు చెబుతున్నారు.
సరఫరాపై దిగ్గజ సంస్థలైన షియోమీ, ఒప్పో, వివో, రియల్మీ, పోకో వంటి సంస్థలను సంప్రదించగా ఎలాంటి స్పందన రాలేదు.
మొబైల్ కాంగ్రెస్పై కరోనా పడగ..
కరోనా దెబ్బతో మొబైల్ ప్రపంచ మొబైల్ కాంగ్రెస్ (డబ్ల్యూఎంసీ)పై తీవ్ర ప్రభావం పడనుందన్న సంకేతాలు వస్తున్నాయి. ఇప్పటికే ఎరిక్సన్, అమెజాన్, సోనీ సహా పలు ఇతర సంస్థలు.. స్పెయిన్లోని బర్సెలినాలో ఈ నెల 24-27 తేదీల్లో జరగనున్న డబ్ల్యూఎంసీ నుంచి తప్పుకుంటున్నట్లు ప్రకటించాయి.
చైనాకు చెందిన 'వివో' ఇలాంటి ప్రకటనే చేసింది. కరోనా వైరస్ తీవ్రతను క్షుణ్ణంగా పరిశిలిస్తున్నాం. ఈ కారణంగా డబ్ల్యూఎంసీలో తొలిసారి అడుగుపెట్టాలన్న నిర్ణయాన్ని వెనక్కితీసుకుంటున్నామని ప్రకటించింది.
ఇదీ చూడండి:పిచాయ్కు వరుస షాక్లు... గూగుల్కు ఏమైంది?
