సెషన్ పొడగింపుతో మార్కెట్ల జోరు- సెన్సెక్స్ 1030 ప్లస్ - నిప్టీ

స్టాక్ మార్కెట్లు లైవ్

Published : Feb 24, 2021, 9:38 AM IST

Updated : Feb 24, 2021, 5:28 PM IST

17:09 February 24

15 వేలకు చేరువైన నిఫ్టీ..

స్టాక్ మార్కెట్లు భారీ లాభాలతో ముగిశాయి. సెషన్ పొడిగింపు సూచీల్లో కొత్త ఉత్సాహం నింపింది. సెన్సెక్స్ 1030 పాయింట్లు పెరిగి 50,782 వద్ద ముగిసింది. నిఫ్టీ 274 పాయింట్ల లాభంతో 14,982 వద్ద స్థిరపడింది.

బ్యాంకింగ్ షేర్ల దూకుడు లాభాలకు ప్రధాన కారణం.

యాక్సిస్ బ్యాంక్, హెచ్డీఎఫ్సీ బ్యాంక్, ఐసీఐసీఐ బ్యాంక్, హెచ్డీఎఫ్సీ, బజాజ్ ఫినాన్స్, ఎస్బీఐ లాభాలను గడించాయి.
డాక్టర్ రెడ్డీస్, పవర్గ్రిడ్, టీసీఎస్, సన్ఫార్మా, ఏషియన్ పెయింట్స్, మారుతీ షేర్లు నష్టపోయాయి.

16:20 February 24

సెషన్ పొడగింపు..

స్టాక్ మార్కెట్లు బుధవారం సాయంత్రం 5 గంటల వరకు పని చేయనున్నాయి. ఎన్ఎస్ఈలో సాంకేతిక సమస్య తర్వాత ట్రేడింగ్ను పునరుద్ధరించగా.. సెషన్ను దాదాపు రెండు గంటలు పొడగించింది. బీఎస్ఈ కూడా సెషన్ను పొడగిస్తున్నట్లు ప్రకటించింది.

సెన్సెక్స్ 840 పాయింట్ల లాభంతో 50,596 వద్ద ట్రేడవుతోంది. నిఫ్టీ 240 పాయింట్లకుపైగా పెరిగి 14,951 వద్ద కొనసాగుతోంది.

హెచ్డీఎఫ్సీ బ్యాంక్, ఎస్బీఐ, యాక్సిస్ బ్యాంక్, ఐసీఐసీఐ బ్యాంక్, హెచ్డీఎఫ్సీ షేర్లు భారీ లాభాల్లో ఉన్నాయి.
టీసీఎస్, పవర్గ్రిడ్, డాక్టర్ రెడ్డీస్, సన్ఫార్మా, మారుతీ షేర్లు నష్టాల్లో ట్రేడవుతున్నాయి.

09:23 February 24

14,750 పైకి నిఫ్టీ

స్టాక్ మార్కెట్లు బుధవారం లాభాలతో ప్రారంభమయ్యాయి. బీఎస్ఈ-సెన్సెక్స్ 200 పాయింట్లకుపైగా బలపడి.. 49,954 వద్ద ట్రేడవుతోంది. ఎన్ఎస్ఈ-నిఫ్టీ 70 పాయింట్లకుపైగా లాభంతో 14,778 వద్ద కొనసాగుతోంది.

బ్యాంకింగ్, హెవీ వెయిట్ షేర్ల సానుకూలతలు లాభాలకు దన్నుగా నిలుస్తున్నాయి. ఐటీ షేర్లు ఒడుదొడుకులు ఎదుర్కొంటున్నాయి.

బజాజ్ ఫినాన్స్, యాక్సిస్స్ బ్యాంక్, ఎస్బీఐ, రిలయన్స్ ఇండస్ట్రీస్, అల్ట్రాటెక్ సిమెంట్ షేర్లు లాభాల్లో ప్రధానంగా ఉన్నాయి.
టీసీఎస్, ఇన్ఫోసిస్, టెక్ మహీంద్రా, హెచ్యూఎల్, నెస్లే, పవర్గ్రిడ్ షేర్లు నష్టాల్లో ట్రేడవుతున్నాయి.