ఆగస్టు ఎఫ్ అండ్ ఓ సిరీస్ మొదటిరోజు స్టాక్మార్కెట్లు నష్టాల బాటపట్టాయి. అమ్మకాల ఒత్తిడితో ఆరంభ ట్రేడింగ్లో సెన్సెక్స్ 90 పాయింట్లకు పైగా పతనమైంది. నిఫ్టీ 11 వేల 250 మార్కును కోల్పోయింది. లోహ, ఆటో, విద్యుత్తు, బ్యాంకింగ్, ఐటీ రంగాలన్నింటిలో కొనుగోళ్లు క్షీణించాయి. అంతర్జాతీయంగా బలహీన సంకేతాలూ నష్టాలకు ఓ కారణం.
బొంబాయి స్టాక్ ఎక్స్చేంజి సూచీ సెన్సెక్స్ 91 పాయింట్లు కోల్పోయి.. ప్రస్తుతం 37 వేల 740 వద్ద ట్రేడవుతోంది. జాతీయ స్టాక్ ఎక్స్చేంజి సూచీ నిఫ్టీ 26 పాయింట్ల స్వల్ప నష్టంతో.. 11 వేల 226 వద్ద కొనసాగుతోంది.
శుక్రవారం నాటి ఆరంభ ట్రేడింగ్లో మొత్తం 312 షేర్లు పుంజుకున్నాయి. మరో 384 షేర్లు క్షీణించాయి. 30 షేర్లలో ఎలాంటి మార్పు లేదు.
లాభనష్టాల్లోనివివే...
బయోకాన్, సౌత్ ఇండియన్ బ్యాంక్, వేదాంత, యస్ బ్యాంక్, ఇండియా బుల్స్ హౌసింగ్, భారతీ ఇన్ఫ్రాటెల్, కోల్ ఇండియా లాభాలతో ప్రారంభమయ్యాయి. బయోకాన్ షేర్లు 6 శాతం మేర పుంజుకున్నాయి.
జేఎస్డబ్ల్యూ స్టీల్, పీవీఆర్, బజాజ్ ఫినాన్స్, టాటా మోటార్స్, బజాజ్ ఫిన్సర్వ్, ఐఓసీ, డాక్టర్ రెడ్డీస్, ఇన్ఫోసిస్, హెచ్సీఎల్ టెక్, ఓఎన్జీసీలు నష్టాలను నమోదు చేశాయి.
రూపాయి...
ఆరంభ ట్రేడింగ్లో రూపాయి స్వల్పంగా 8 పైసలు కోల్పోయింది. డాలర్తో పోలిస్తే మారకం విలువ 69.04 వద్ద ఉంది.
