స్టాక్మార్కెట్లు మంచి లాభాల్లో ట్రేడవుతున్నాయి. క్రితం సెషన్లో భారీ లాభాలతో ముగిసిన సూచీలు ఇవాళ్టి ట్రేడింగ్లోనూ సానుకూల ఫలితాలను నమోదు చేస్తున్నాయి. అమెరికా-ఇరాన్ మధ్య ఉద్రిక్తతలు తగ్గుముఖం పడుతుండడంతో మార్కెట్లు లాభాల్లో కొనసాగుతున్నాయని వాణిజ్య విశ్లేషకులు అభిప్రాయపడుతున్నారు.
చైనాతో మొదటి దశ వాణిజ్య ఒప్పందంపై జనవరి 15న అమెరికా సంతకం చేయనుందన్న సంకేతాలూ మార్కెట్ల జోరుకు ఓ కారణం.
బొంబాయి స్టాక్ఎక్స్చేంజి సూచీ సెన్సెక్స్ ఆరంభ ట్రేడింగ్లో 200 పాయింట్లకు పైగా పెరిగింది. ప్రస్తుతం 167 పాయింట్ల లాభంతో 41 వేల 619 వద్ద కొనసాగుతోంది. జాతీయ స్టాక్ ఎక్స్చేంజి సూచీ నిఫ్టీ 47 పాయింట్ల లాభంతో 12 వేల 263 వద్ద ఉంది.
ఐటీ, ఆటో, ఫార్మా, లోహ, బ్యాంకింగ్ రంగాలు దూకుడు ప్రదర్శిస్తున్నాయి.
లాభనష్టాల్లోనివివే...
సెన్సెక్స్ ప్యాక్లో 1.35 శాతం పెరిగిన కోటక్ బ్యాంకు ఉత్తమ గెయినర్గా ఉంది. టెక్ మహీంద్రా, ఇన్ఫోసిస్, ఎల్ అండ్ టీ, హీరో మోటోకార్ప్, భారతీ ఎయిర్టెల్, కోటక్ మహీంద్రా బ్యాంక్, టీసీఎస్, హెచ్డీఎఫ్సీ బ్యాంక్, హెచ్సీఎల్ టెక్లు రాణిస్తున్నాయి.
పవర్గ్రిడ్, ఇండస్ఇండ్ బ్యాంక్, ఎస్బీఐ, ఐసీఐసీఐ బ్యాంక్, నెస్లే ఇండియా, ఏసియన్ పెయింట్స్ డీలాపడ్డాయి.
రూపాయి..
ఆరంభ ట్రేడింగ్లో రూపాయి స్వల్పంగా 8 పైసలు పెరిగింది. ప్రస్తుతం డాలర్తో పోలిస్తే మారకం విలువ 71.13గా ఉంది.
