స్టాక్ మార్కెట్లు భారీ నష్టాల్లో ట్రేడవుతున్నాయి. చైనా తర్వాత పలు ఇతర దేశాలకు కరోనా వైరస్ వేగంగా వ్యాప్తి చెందుతుండటం కారణంగా అంతర్జాతీయ మార్కెట్లు కుప్పకూలుతున్నాయి. ఆ ప్రభావంతో ఐదు నెలల కనిష్ఠానికి పడిపోయాయి దేశీయ సూచీలు.
బొంబాయి స్టాక్ ఎక్స్చేంజి సూచీ- సెన్సెక్స్ 1,089 పాయింట్లకు పైగా నష్టపోయింది. ప్రస్తుతం 38,655 వద్దకు చేరింది. జాతీయ స్టాక్ ఎక్స్చేంజి సూచీ- నిఫ్టీ 328 పాయింట్లకు పైగా క్షీణతతో 11,304 వద్ద కొనసాగుతోంది.
రూ.5 లక్షల కోట్లు ఆవిరి..
బీఎస్ఈ మదుపరుల సంపద రూ.4,65,915.58 కోట్లు ఆవిరైంది. ఫలింతంగా మదుపరుల మొత్తం సంపద రూ.1,47,74,108.50 కోట్లకు తగ్గింది.
లాభనష్టాల్లోనివివే..
30 షేర్ల ఇండెక్స్లో ఎన్టీపీసీ మినహా మిగతా అన్ని కంపెనీలు నష్టాల్లో ఉన్నాయి.
టాటా స్టీల్, బజాజ్ ఫినాన్స్, టెక్ మహీంద్రా, ఇన్ఫోసిస్, ఎం&ఎం షేర్లు భారీ నష్టాల్లో ట్రేడవుతున్నాయి.
రూపాయి, ముడి చమురు
రూపాయి నేడు 28 పైసలు తగ్గి.. డాలర్తో మారకం విలువ 71.89 వద్ద కొనసాగుతోంది.
ముడి చుమురు ధరల సూచీ- బ్రెంట్ 2.47 శాతం తగ్గి.. బ్యారెల్ ముడి చమురు ధర 50.45 డాలర్లుగా ఉంది.
ఇతర మార్కెట్లు..
ఆసియాలో ఇతర ప్రధాన మార్కెట్లు.. షాంఘై, హాంకాంగ్, సియోల్, టోక్యో సూచీలూ ప్రారంభ సెషన్లో 4 శాతం మేర నష్టాన్ని నమోదు చేశాయి.
ఇదీ చూడండి:అయ్యో పాపం కోడి... అంతా 'కరోనా' వల్లే!
