విజయ్​ మాల్యా రివ్యూ పిటిషన్​పై సుప్రీం తీర్పు రిజర్వు

రుణాల ఎగవేతదారు విజయ్​ మాల్యా దాఖలు చేసిన రివ్యూ పిటిషన్​పై తీర్పును సుప్రీంకోర్టు రిజర్వు చేసింది. కోర్టు ఆదేశాలకు విరుద్ధంగా 4 కోట్ల డాలర్ల సొమ్మును తన వారసులకు బదిలీ చేయడంపై... విజయ్ మల్యాను సుప్రీంకోర్టు 2017లో దోషిగా తేల్చింది. ఈ తీర్పును సమీక్షించాలని మాల్యా పిటిషన్ దాఖలు చేశారు.

కోర్టు ధిక్కరణ కేసులో తనను దోషిగా పేర్కొంటూ 2017లో ఇచ్చిన తీర్పును మళ్లీ సమీక్షించాలని రుణాల ఎగవేతదారు విజయ్ మల్యా దాఖలు చేసిన పిటిషన్‌పై సుప్రీం కోర్టు తీర్పును రిజర్వు చేసింది. కోర్టు ఆదేశాలకు విరుద్ధంగా 4 కోట్ల డాలర్ల సొమ్మును తన వారసులకు బదిలీ చేయడంపై విజయ్ మల్యాను సుప్రీంకోర్టు 2017లో దోషిగా తేల్చింది.

ఈ తీర్పును పునఃసమీక్షించాలంటూ మల్యా వేసిన రివ్యూ పిటిషన్‌పై సుప్రీం విచారణ చేపట్టింది. 2017లో కర్ణాటక హైకోర్టు ఇచ్చిన ఆదేశాలను ఉల్లంఘిస్తూ అతని కుమారుడు, కుమార్తెలకు 4 కోట్ల డాలర్లను మాల్యా బదిలీ చేశారని ఎస్​బీఐ నేతృత్వంలోని బ్యాంకు కన్సార్టియం సుప్రీంలో పిటిషన్ వేసింది.

ఆ పిటిషన్‌ పై విచారణ చేపట్టిన దేశ అత్యున్నత న్యాయస్థానం విజయ్ మల్యాను కోర్టు ధిక్కరణ కింద దోషిగా తేలుస్తూ 2017 మే లో తీర్పు వెలువరించింది.

ఇదీ చూడండి: 'అసలు మొత్తం తీసుకోండి.. నన్ను వదిలేయండి'