ప్రభుత్వ రంగ బ్యాంకింగ్ దిగ్గజం భారతీయ స్టేట్ బ్యాంక్ (ఎస్బీఐ) లాక్డౌన్లోనూ భారీ లాభాలను గడించింది. 2020-21 ఏప్రిల్-జూన్ త్రైమాసికంలో ఏకంగా రూ.4,189.34 కోట్ల నికర లాభాన్ని ఆర్జించినట్లు ఎస్బీఐ ప్రకటించింది. గత ఆర్థిక సంవత్సరం క్యూ1తో పోలిస్తే ఇది 81 శాతం అధికం. 2019-20 క్యూ1తో ఎస్బీఐ నికర లాభం రూ.2,312.02 కోట్లుగా నమోదైంది.
ఎస్బీఐ ఏకీకృత ఆదాయం కూడా.. 2019-20 క్యూ1తో (రూ.70,653.23 కోట్లు) పోలిస్తే.. 2020-21 మొదటి త్రైమాసికంలో రూ.74,457.86 కోట్లకు పెరిగింది.
స్థూల నిరర్ధక ఆస్తులు కూడా క్యూ1లో 5.44 శాతానికి తగ్గినట్లు ఎస్బీఐ తెలిపింది. 2019-20 ఇదే సమయంలో ఇవి 7.53 శాతంగా ఉన్నాయి.
క్యూ1లో నికర నిరర్ధక ఆస్తులు.. గత ఆర్థిక సంవత్సరం ఇదే సమయంలో పోలిస్తే 3.07 శాతం నుంచి 1.8 శాతానికి తగ్గాయి.
ఇదీ చూడండి:ఆగస్టు నుంచి భారీగా తగ్గనున్న కార్లు, బైక్ల ధరలు!
