ఎస్​బీఐ షాక్​- ఖాతాదారులపై ఛార్జీల మోత

ప్రభుత్వ రంగ బ్యాంకింగ్ దిగ్గజం ఎస్​బీఐ.. వివిధ సేవలకు వసూలు చేసే ఛార్జీల్లో భారీ మార్పులు చేసింది. ఇకపై వినియోగాదారులు ఏటీఎం ద్వారా 4 లావాదేవీలను మాత్రమే ఉచితంగా వినియోగించుకునేలా నిబంధన విధించింది. ఆపై లావాదేవీలకు ఛార్జీలు వసూలు చేయనుంది. చెక్​బుక్​పై కూడా పలు పరిమితులు విధించింది. ఈ కొత్త ఛార్జీల పూర్తి సమాచారంతో పాటు, ఎప్పటి నుంచి ఇవి అమలులోకి రానున్నాయి అనే వివరాలు మీ కోసం.

అతి పెద్ద దేశీయ బ్యాంక్ ఎస్​బీఐ.. వినియోగాదారులకు అందించే ఏటీఎం, చెక్​బుక్ సర్వీసుల ఛార్జీలను సవరించింది. బేసిక్ సేవింగ్స్‌ బ్యాంక్ డిపాజిట్‌(బీఎస్‌బీడి) ఖాతాదారులు నెలలలో నాలుగు సార్లకు మించి ఏటీఎం ద్వారా జరిపే లావాదేవీలకు ఈ ఛార్జీలు వసూలు చేయనున్నట్లు ప్రకటించింది. దీనితో పాటు ఏడాదిలో చెక్​ బుక్​లో 10 లీవ్స్​ వరకు మాత్రమే ఉచితంగా వినియోగించుకునేలా మార్పులు చేసింది. ఆపై జారీ చేసే లీవ్స్​కు ఛార్జీలు వసూలు చేయనున్నట్లు తెలిపింది.

ఈ సవరించిన రుసుములు 2021 జులై 1 నుంచే అమలులోకి వస్తాయని స్పష్టం చేసింది.

మారిన ఛార్జీలు ఇవే..

ఒక నెల‌లో బ్యాంక్ బ్రాంచ్‌లు, ఏటీఎం వ‌ద్ద క‌లిపి నాలుగు ఉచిత న‌గ‌దు లావాదేవీలు నిర్వ‌హించుకోవ‌చ్చు. అంత‌కు మించి చేసే న‌గ‌దు ఉప‌సంహ‌ర‌ణ‌ల‌పై రుసుములు చెల్లించాల్సి ఉంటుంది.