భారతీయ స్టేట్ బ్యాంకు వరుసగా 14వ సారి ఎంసీఎల్ఆర్ను తగ్గించింది. స్వల్పకాలిక రుణాలపై ఎంసీఎల్ఆర్ను 5 నుంచి 10 బేసిస్ పాయింట్లు వరకు తగ్గిస్తూ నిర్ణయం తీసుకుంది. జులై 10 నుంచి ఈ తగ్గింపు అమలులోకి రానుంది.
మూడు నెలల కాలపరిమితి వరకు ఉండే స్వల్పకాలిక రుణాలకు మాత్రమే ఈ వడ్డీరేటు వర్తిస్తుంది. రుణ సామర్థ్యం పెంచడం, డిమాండ్ పునరుద్ధరించడమే లక్ష్యంగా ఎంసీఎల్ఆర్ను తగ్గించినట్లు ఎస్బీఐ తెలిపింది.
ఎంసీఎల్ఆర్ తగ్గింపుతో... స్వల్పకాలిక రుణాలపై వడ్డీరేటు సంవత్సరానికి 6.65 శాతానికి దిగిరానుంది. ఇది ఎక్స్టర్నల్ బెంచ్మార్క్ ఆధారిత రుణరేటు (ఈబీఎల్ఆర్)కు సమానం.
(రుణం తీసుకున్నప్పుడు ఉన్న రుణ రేటు ఆధారంగా కొనసాగే దానిని ఎంసీఎల్ఆర్ రుణాలుగా పేర్కొంటారు.)
ఇదీ చూడండి: 'జీఎంఆర్'లో ఫ్రెంచ్ సంస్థ భారీ పెట్టుబడి
