ఏప్రిల్ 1 నుంచి సరళీకృత నెలవారీ 'వస్తు, సేవల పన్ను' (జీఎస్టీ) రిటర్న్ఫారాల విడుదలకు ఉద్దేశించిన పైలట్ ప్రాజెక్ట్ వాయిదా పడింది. సాఫ్ట్వేర్ సిద్ధమయ్యాక దీన్ని తీసుకురానున్నారు. జీఎస్టీ మండలి నోటిఫై చేసిన అనంతరం నూతన సరళీకృత జీఎస్టీ ఫారాలు అందుబాటులోకి రానున్నాయి.
పన్ను చెల్లింపుదారులు సులభంగా జీఎస్టీ రిటర్న్లు దాఖలు చేయడానికి సరికొత్త విధానం తీసుకురావాలని గతేడాది జూలైలో జీఎస్టీ మండలి నిర్ణయించింది. ఈ ఏప్రిల్ 1 నుంచి 'సహజ్, సుగమ్' ఫారాలతో పైలట్ ప్రాజెక్ట్ ప్రారంభించాలని తీర్మానించింది.
కొత్త రిటర్న్ ఫైలింగ్ విధానం కింద, ఎలాంటి కొనుగోళ్లు చేయని పన్ను చెల్లింపుదారులు అవుట్ పుట్ టాక్స్, ఇన్పుట్ టాక్స్ దాఖలు చేయనవసరం లేదు. ఒక నిల్ రిటర్న్ దాఖలు చేస్తే సరిపోతుంది. రూ.5 కోట్లలోపు టర్నోవర్ ఉన్న పన్ను చెల్లింపుదారులు స్వీయ ధ్రువీకరణ ద్వారా త్రైమాసిక పన్ను రిటర్న్లను దాఖలు చేయవచ్చు.
ఇదీ చూడండి:అమెజాన్ అధిపతి ఫోన్ హ్యాకింగ్ సౌదీ పనే!
