కేంద్ర, వస్తు సేవల పన్ను చట్టం(జీఎస్టీ)ని పనికిమాలిన చట్టంగా భాజపా మార్చేసిందన్నారు కాంగ్రెస్ సీనియర్ నేత పి.చిదంబంరం. జీఎస్టీ చట్టం అమలు వెనుక ఉన్న మంచి ఉద్దేశాన్ని కేంద్ర ప్రభుత్వం కాలరాసిందని మండిపడ్డారు.
"జీఎస్టీ చట్టం అమలు వెనుక మంచి ఆలోచన, ఉద్దేశాలు ఉన్నాయి. భయంకరమైన పన్ను రేట్లు విధిస్తూ భాజపా దీనిని వృథా చట్టంగా మార్చింది. పన్ను వసూలు చేసే అధికారులు చాలా క్రూరంగా తయారయ్యారు. జీఎస్టీ ఇంప్లిమెంటేషన్ కమిటీ బలహీనంగా మారింది. వ్యాపారవేత్తలను పన్ను ఎగవేతదారులుగా అనుమానిస్తున్నారు. కేంద్ర మంత్రుల బృందాన్ని ఆర్థిక మంత్రి ఎన్డీఏ కూటమి సభ్యులుగా భావిస్తున్నారు. ఇక జీఎస్టీ కౌన్సిల్‌ మాటలకే పరిమితమితమైంది."
-చిదంబరం
గత కొద్ది రోజులుగా.. కొవిడ్ మహమ్మారిని సమర్థంగా ఎదుర్కొనేందుకు టీకాలు, ఔషధాలు సహా ఇతర వైద్య పరికరాలపై జీఎస్టీని మినహాయించాలని కాంగ్రెస్ డిమాండ్ చేస్తోంది.
ఇవీ చదవండి: వాటిపై జీఎస్టీ మినహాయింపునకు కేంద్ర బృందం ఏర్పాటు!
