భారత్లో 100 మిలియన్ డోసుల స్పుత్నిక్-వీ కొవిడ్-19 వ్యాక్సిన్‌ను ఉత్పత్తి చేసేందుకు రష్యన్‌ డైరెక్ట్ ఇన్వెస్ట్‌మెంట్‌ ఫండ్(ఆర్డీఐఎఫ్), ప్రముఖ ఫార్మాసంస్థ హెటిరోతో ఒప్పందం చేసుకున్నట్టు రష్యా ప్రకటించింది. ఏడాదికి 100 మిలియన్ డోసుల ఉత్పత్తి చేసేలా ఒప్పందం కుదిరినట్లు తెలిపింది. 2021 మొదట్లో వ్యాక్సిన్ ఉత్పత్తి ప్రారంభించనున్నట్లు పేర్కొంది.
రష్యా అభివృద్ధి చేసిన స్పుత్నిక్-వీ టీకాపై బెలారస్, యూఏఈ, వెనిజువెలా సహా పలు దేశాల్లో మూడో దశ క్లినికల్‌ ట్రయల్స్‌ జరుగుతున్నాయి. భారత్లో రెండు, మూడో దశ క్లినికల్‌ ట్రయల్స్‌ నిర్వహిస్తున్నారు.
