కార్పొరేట్ల క్యూ3 ఫలితాలు, కరోనా టీకా పంపిణీ వార్తలు ఈ వారం స్టాక్ మార్కెట్లను ప్రభావితం చేసే కీలకాంశాలుగా ఉండనున్నాయి. అంతర్జాతీయ రాజకీయ పరిణామాలు, బడ్జెట్ 2021-22 వార్తలతో సూచీలు కాస్త ఒడుదొడుకులకు లోనవ్వచ్చని విశ్లేషకులు చెబుతున్నారు.
మదుపరులు కొవిడ్ టీకా పంపిణీ అప్డేట్లపై దృష్టి సారించొచ్చని స్టాక్ బ్రోకర్లు అంటున్నారు. క్యూ3 ఫలితాల సీజన్ నేపథ్యంలో.. కంపెనీల పనితీరు ఆధారంగానూ మదుపరులు స్పందించే వీలుందని విశ్లేషిస్తున్నారు.
ఈ వారం ఫలితాలు ప్రకటించే కంపెనీలు..
ఈ వారం క్యూ3 ఫలితాలు ప్రకటించే ప్రధాన కంపెనీల్లో.. రిలయన్స్ ఇండస్ట్రీస్, బజాజ్ ఫినాన్స్, బ్యాంక్ ఆఫ్ మహారాష్ట్ర, ఏషియన్ పెయింట్స్, బజాజ్ ఆటో, ఫెడరల్ బ్యాంక్లు ఉన్నాయి. త్రైమాసిక ఫలితాల ఆధారంగా ఆయా కంపెనీల షేర్లు హెచ్చుతగ్గులకు లోనయ్యే అవకాశాలున్నాయి.
కేంద్ర బడ్జెట్పై వెలువడే అంచనాలు ఆర్థిక, బ్యాంకింగ్ షేర్లపై ప్రధానంగా ప్రభావం చూపనున్నట్లు జియోజిత్ ఫినాన్షియల్ సర్వీసెస్ పరిశోధన విభాగాధిపతి వినోద్ నాయర్ పేర్కొన్నారు.
వీటన్నింటితో పాటు.. రూపాయి, ముడి చమురు ధరల్లో హెచ్చుతగ్గులు మార్కెట్లను ప్రభావితం చేసే సాధారణ అంశాలుగా ఉండనున్నాయి.
ఇదీ చూడండి:బిట్కాయిన్లో పెట్టుబడులా? జర ఆలోచించండి
