పెట్రోల్, డీజిల్ ధరలు మళ్లీ భగ్గుమన్నాయి. ఐదు రోజుల విరామం తర్వత లీటర్ పెట్రోల్ ధర బుధవారం (దిల్లీలో) 25 పైసలు పెరిగి రూ.84.45 వద్దకు చేరింది. దిల్లీలో పెట్రోల్ ధర ఈ స్థాయికి చేరడం ఇదే ప్రథమం. డీజిల్ ధర కూడా లీటర్కు 25 పైసలు పెరిగి రూ.74.63 వద్ద ఉంది.
ముంబయిలో పెట్రోల్ ధర(లీటర్కు) ఏకంగా రూ.91.07 వద్దకు పెరిగింది. లీటర్ డీజిల్ ధర రూ.81.34గా ఉంది. ముంబయిలో లీటర్ డీజిల్ ధర ఈ స్థాయికి చేరడం ఇదే తొలిసారి.
దేశవ్యాప్తంగా ఇతర ప్రధాన నగరాల్లో పెట్రోల్ ధరలు 22 పైసల నుంచి 26 పైసల వరకు పెరిగాయి. డీజిల్ ధర 24-28 పైసల మధ్య పెరిగింది.
ప్రధననగరాల్లో ధరలు (లీటర్కు)
| నగరం | పెట్రోల్ | డీజిల్ |
| హైదరాబాద్ | రూ.87.83 | రూ.81.43 |
| బెంగళూరు | రూ.87.28 | రూ.79.12 |
| చెన్నై | రూ.87.17 | రూ.79.94 |
| కోల్కతా | రూ.85.90 | రూ.78.21 |
అంతర్జాతీయంగా ముడి చమురు ధరలు వరుసగా ఏడో రోజూ పెరిగిన నేపథ్యంలో దేశీయంగా పెట్రోల్, డీజిల్ రేట్లను సవరించాయి చమురు మార్కెటింగ్ సంస్థలు. ప్రస్తుతం బ్రెంట్ బ్యారెల్కు 57.37 డాలర్ల వద్ద ఉంది. డబ్ల్యూటీఐ బ్యారెల్ ధర 53.88 డాలర్లకు చేరింది.
ఇదీ చూడండి:జాక్మాకు చైనా షాక్- అలీబాబా జాతీయం?
