Ola Electric scooters: తమ ఎలక్ట్రిక్ స్కూటర్లను బుక్ చేసుకున్న వారందరికీ త్వరలోనే వాటిని అందించనున్నట్లు ఓలా సంస్థ ప్రకటించింది. ఈ వాహనాలను కొనుగోలు చేసిన కస్టమర్ల సమీప డెలివరీ కేంద్రాలకు వాటిని డిస్పాచ్ చేసినట్లు ప్రకటనలో పేర్కొంది. అతి త్వరలోనే రెండో విడత బుకింగ్ను కూడా ప్రారంభిస్తామని చెప్పింది. ఓలా ఛైర్మన్, గ్రూప్ ఎగ్జిక్యూటివ్ ఆఫీసర్ భవిశ్ అగర్వాల్ ఈ మేరకు వెల్లడించారు.
పర్యావరణ హిత ఎలక్ట్రిక్ స్కూటర్ను తయారు చేస్తున్నట్లు ఈ ఏడాది ఆగస్టులో ప్రకటించింది ఓలా. ఎస్ 1, ఎస్ 1 ప్రో పేరుతో రెండు వేరియంట్లలో దీన్ని తీసుకొచ్చింది. ధర రూ.99,999, రూ.1,29,999గా నిర్ణయించింది. కేవలం రూ.499తో అడ్వాన్స్ బుకింగ్ చేసుకునే వెసులుబాటు కల్పించింది.
అయితే ఈ వాహనాలను అక్టోటర్లోనే డెలివరీ చేస్తామని ఓలా చెప్పినప్పటికీ కరోనా కారణంగా అది నవంబర్కు వాయిదాపడింది. ఆ తర్వాత సెమీకండర్ల కొరత ఉందని ఈ-స్కూటర్లను డిసెంబర్ రెండో వారంలో కస్టమర్లకు అందిస్తామని చెప్పింది. ఎట్టకేలకు వాటిని డిస్పాచ్ చేసింది.
ఈ-స్కూటర్ల ఆర్టీఓ రిజిస్ట్రేషన్ ప్రక్రియ కూడా పూర్తయిందని, ఇది పూర్తిగా డిజిటలైజ్ కావడం వల్ల డెలివరీ అనుకున్న సమయం కంటే ఆలస్యమైందని ఓలా పేర్కొంది.
స్కూటర్ బుకింగ్ను ఓలా సెప్టెంబర్లో ప్రారంభించగా.. తొలి రోజు రూ.600కోట్లు విలువ చేసే ఆర్డర్లు వచ్చాయని సంస్థ అప్పుడు వెల్లడించింది.
ఇవీ చదవండి: 'ఓలా ఎలక్ట్రిక్' రికార్డ్- 2 రోజుల్లో రూ.1,100 కోట్ల విక్రయాలు
'ఓలా' గ్రాండ్ ఎంట్రీ- సెకనుకు 4 స్కూటర్ల అమ్మకం
